Shillong, Kyllalyngkot 17: Ka jingialang jong ki nongrep ka jylla hapoh ka lama jong ka Hill Farmers Union (HFU) kaba la long mynta ka sngi da kawei ka rai ki la shim ban ieng pyrshah beit halor ka jingot kilo ha Iew. Haba iatai halor kane ka mat ki la don ki nongrep kiba la iathuh ba ka jingot kilo ka dang bteng haduh mynta.
U bah Commander Shangpliang President jong ka HFU u la iathuh ba halor kane ki nongrep ki la shim ia ka rai ban thoh sha u Syiem ka Hima Mylliem ba un khot noh i aka jingialang jong ki nongrep bad ki nongkhaii ha iew kumba la rai ha ka jingleit jurip jong u Myntri sorkar, u CEM bad u syiem ha Iewduh ha u snem ba la dep.
U la ithuh baka seng ka kyntu ruh ba dei ban pyntreikam beit i aka rai ba la bthah da u syiem ban nym ot kilo shuh ia ki Mar rep bad lada ym lah ban pyntreikam ki nognrep kim banse ujor sha ki bor kiba halor.
Ha kane ka sngi la iatai ruh halor ki mat jingdawa ki ban leit rah shaka sorkar kiba dei ki ishu kiba la sei da ki nongrep ha ka jingialang jong ka Meghalaya Farmers parliament ha u snem 2018.
Napdeng ki jingdawa kiba la iakren ban phah sha ka sorkar ka long ban dawa n aka sorkar ba kan buh noh i aka Farmers commission, ban pynban ia u snem 2019 kum u snem ki nongrep, ban pynbiang symbai, ban pyntreikam noh iaka ain iadie iathied ia ki mar rep, ban wanrah noh iaka Agriculture Policy, ban buh dor bad nym khniot i aka dork i mar rep, ban map noh I aka ram ki nongrep bad kiwei kiwei de.
U bah Commander u la iathuh ruh ba ha kane ka sngi la shim ruh iaka rai ban thaw ia ki Block bad ki Circle bad kumjuh ruh ki unit jong ka HFU ha man la ki jaka tad haduh ban da lah ban pynrung dkhot kumab 1 lak ngut. Ha kane ka sngi la sam ruh ia ki certificate jong ki dkhot ka fist Meghalaya farmers parliament.
