Shillong, Naiwieng 03: U bah AL Hek na ka BJP bad u Bah Lambor Malngiang Independent kiba don lang ha kane ka sorkar Meghalaya Democratic Alliance (MDA) kila kren shai ba u kyrtong ia monlang um dei ban dei ban ia khun ia ka MP Ilkeshon na ka shap jong kano kano ka party.
Kiwei pat ki party kiba don lang ha ka sorkar MDA, ka PDF bad ka HSPDP shen ki dang ia shong ban ia kren ia kane ka juh ka kam ha kaba ia dei bad ka MP Ilekshon bad katkum ki thymmei khubor na kitei ki ar tylli ki seng sain pyrthei ka rukom pyrkhat jong ki ruh ka long ba u kyrtong ia mon lang ym dei ban dei na kano kano ka party.
Ki thymmei khubor ki iathuh ba ka jingialang jong ka MDA ban ia kren ia kane ka kam MP ilekshon kan sa long biang ha shiteng jong une u bnai ban ia kren shai la kin iapoi ne em sha ka jingiamynjur lang kum ka kynhun MDA ban pynieng ia u kyrtong MP.
Ka jingbuh kyndon jong ki ar ngut ki MLA, u bah Hel bad u bah Malngiang kala long maw jynthud ba ia u kyrtong MP yn pynieng na kano kano ka seng sain pyrthei bad kiwei ki party kin ai ka jingkyrshan ia u ta u kyrtong.
Na ki party kiba donha ka sorkar MDA dei tang ka UDP kaba la tyrwa mynta ia ka kyrteng jong u Dr Jemino Mawthoh. Kane ka jingkwah jong ka party UDP ia u kyrtong ia monlang u ban dei na ka party UDP kan lah ban pulom.
