Ka jingkylla ba shisha kan wan lada ngi kylla bad kylliang lut ia baroh ki 60 ngut ki nongmih khmat ki ba mynta Da u Bah Thomas Passah

Kat ba nang jan ka por sha ka General Assembly Election jong ka jyllaka ban long ha u bnai February 2018 la iohi ba ki kotkhubor ki la dap da ki khubor election, bad la sngewthuh ba ka lyer jong ka election kan nang jur bad kan nangkhluid nangne shakhmat. Kaba kongsan la iohi baia u paidbah la pynkylla dew thala shisien san snem la 45 snem mynta.  La pynbeit bad la thied ia u paidbah tang ban job election. Mynta baroh ki iahylla bad kren ieid  jaitbynriew, bad ki dei kine ki juh ki briew bad ki juh ki party kiba la synshar ia ngi,kiba long ka daw jong ka jingsahdien, ka jinghairdor bad ka jingshongsyier jong ngi ka mynta bad ka pateng ka ban wan.

Kum bajuh long shisien san snem,mynta ruh la sdang ka jingbuh maw nongrim, la sdang ki jingkular, la sdang ka jingpynbiej, la sdang ban thaw iaki draft policy (ki ban neh tang kumki draft policy hi thik), mynta la pynkiew tulop shwa ka election, la shai pat ioh tulop arsien shisnem. Ki jingkren lapler, ki jingkren khlemnongrim ki la nang paw pyrthei, kum ban ai nuksa u bah P Tynsong ha ka jingialang ha Sohryngkham u la takrain ia kasorkar u Dr Mukul da kaba ong, baka long ka sorkar lehdon bor, bad ka bym don policy, hynrei u la klet ba dei ma u, u bala pynskhem ia u Dr Mukul san snem bad u dei ruh u Myntri jong kata ka juh ka sorkar kaba treikhlem policy, kane ka long ka juh ia kiwei ki myntri sorkar kiba la ioh lane ki ban saioh uniform thymmai.

Ka KHNAM ka la pynlong iaka jingiaid da ki thukthuk ha ki bnai ba la dep sha man la ki iing jong ki myntri sorkar ban dawa iaki ban hair shuki ban weng jingkyrhan noh na ka sorkar u Dr Mukul Sangma halor ka issue jong ki Rangbah Shnong bad halor ka issue jong ka jingkynturpud ka MUDA, hynrei ki la leh kyllut namar ka election ka dang jngai namar kila mutdur ba u paidbah un saklet ia kine baroh yn da la janka election bad leh se u paidbah u la klet shisha ruh. Ka sengCongress, bad ki party riewlum ba la rim ki la synshar teng ia ngi, hynrei khlemlah ban leh eiei na ka bynta u duk u suk, naka bynta ki samla kyrduh kam kyrduh jam. Ki ba don ha ka liang pyrshah ruh ki la kylla long ki liangiaishah”, ka jingiatrei lang jong ka UDP bad HSPDP ka long ban pynmyntoi ia u paidbah ne ban pynmyntoi ia kine ki ar party donkam banpyrkhat, namar ha kapor ARPA dei kine ki juh ki ar party kiba long ka daw jong ka jingpait jingpra jong ki party riewlum (ARPA), ha Iing Dorbar Thaw ain ka jylla ki don ha ka divided opposition, hynrei ki iatreilang pat naka byntaka election 2018.

Ka NPP ka bein ia ka sorkar jong ka Congress baka long ka bymler ban treikam, hynrei ka kdup bad ka pynieng pat da ki juh ki kyrtong kiba la mih na kata ka juh ka seng congress, la shuwieh lir naka congress sha ka NPP. Don ruh ki MLA kiba la sdang ban pynieng da ki khun ki kynum ha kane ka election 2018 ban kam nongkynti iaka politic. Kumba ki juh ong“khun u doctor un long doctor”, “khun engineer long engineer”, “khun MLA long MLA” bad “khun u baduk ba jynjar un long u ba duk ba jynjar”. Ka party thymmai PDF kaba pynieng MLA da ki MDC kiba la phail kum ki MDC ka pyrta iaka jingkylla, leh se ka dei ka jingkylla naka jinglong MDC sha ka jinglong MLA, U Bah PN Syiem nongialam jong ka PDF, u la dei u wei na ki nongkyrshan ba radbah jong u Dr.Mukul Sangma, ka jingieng pyrshah jong u iaka ain mait kyrteng jong u Dr Mukul ka la ai mynsiem iaki ba bun ba un ia khun ruh ia kiwei pat ki issue kiba iadei bad ka bha kamiat jong u paidbah, hynrei la shukutnoh, ka ain ki rangbah shnong, ka jingkynturpud ka MUDA, ka jyrsieh Professional Tax bad kiwei kiwei kila shu sah kut noh, hap ban pynkynmaw ba ha ka sngi ba long ka dorbar bah kabri u Hynniewtrep ha Polo, hadien ba u MDC Jaiaw Adelbert Nongrum u la iaid ka jingshahthnang khlembuh pud kaba la 16 sngi, dei kane ka juh ka PDF kaba la wanrah iaka special session jong ka KHADC ban pyn kylla burieh iaki kyndon jong ka VAB bad la thok ia u paidbah u ba la wan da ka jingsngewkhia hapoh madan polo, da kaba ai da ka VAB khlembniat.Kaba khamphylla ka long ban iohi baki MLA/Kyrtong ki la nud ban thok shukor imimpeit peit ia u paidbah, balei u nud haduh katne? Leh se dei na u paidbah hi, u ba la im ha ka pyrkhat men lade, im ha ka pyrkhat ioh nong shimet bad shipor, haduh ba la pynlong ia kiriew shim kabu ban pyrkhat ba sarat u paidbah u baklet biej .

La don kam ia ki nongmih khmat bad ki party kiba shai ka thong na ka bynta ka jylla, kiba nud ban tur naka ding ne na ka snam naka bynta kahok. Baroh baroh ki ia lap iaka jingkylla shwa kane ka election ban wan, hynrei la iohi ka jingkylla ka long ban kylla na kawei ka party sha kawei pat, na kawei ka buit pynbiet paidbah sha kawei pat, na ka kawei ka thong manlade shakawei pat. Katba u paidbah u nangkylla naka ba duk sha kaba khamduk, naka jingshah ban bein shaka jingshah ban beinshuh shuh, naka jingkyrduh kam sha ka jingduh jingkyrmen.

Ka jingkylla ba shisha kan wan lada ngi kylla bad kylliang lut ia baroh ki 60 ngut ki nongmih khmat ki ba mynta, hynrei la sngewthuhkaneka long kaba eh ban urlongnamar ha man la ki constituency kinongmihkhmatki la tehmrawiakiba bun, da ki scheme, da ka jingthung kam tuh, da ka pisa, da ki jingkular terter bad kine ki la kylla kita ki vote bank jong ki. Kane ka jingthoh kam dei ban pyrshah iano iano ruh, hynrei kathew ban pynpyrkhat ia u paidbah u ban rai iaka lawei jong ka mynta bad ka lashai, namar kyrkieh la donkam ban shitrhem ym ban shongshit, la donkam ban leh ym tang ia kaba bha hynrei kongsan eh iaka ba dei. Kane ka Election kan long kaba kyrpang ia ngi kum ka jylla bad kum ka jait bynriew bad kabor hi ka shong ha u paidbah. Bah Thomas Passah President KHNAM state Youth Wing.

What Next?

Recent Articles

Leave a Reply

Submit Comment
*