Ka jingkynnoh ka HYC kaba bakla, u MLA bad nga ka MDC la shim khia: Kong Grace

Shillong, Jymmang 03: Ka Kong Grace Mary Kharpuri MDC jong ka Nongskhen MDC Konstitwensi kala ong ba ka jingpynrem jong ka HYC Ri War mihngi ka long kaba bakla ban ong ba u MLA bad ka MDC ki khlem leh ei ei ka long kaba khlem don nongrim.

Haba kren ha u SP News Agency kong Grace Mary Kharpuri MDC jong ka Nongskhen kaba dei ruh u EM gapoh jong ka KHADC, halor ka khubor kaba la mih ba “Pynrem Jur ia u MLA bad MDC” haba ai dei bad ki marrep da ka seng HYC.

Ka kong Kharpuri kala long ba ka jingkynnoh ka long kaba bakla palat, na ka liang jong ka MDC kala pynshai ba kala leit ban ia kynduh ia u SDO jong ka Pynursla Civil Sub Division, kala juh ia kren ba kumno ban pynlait ia ki paidbah ha kaba ia dei bad ka jingeh ka jong ki ban ia khaii ia ki marrep kum u synsar ba kin lah biang ban khaii.

Ha kato ka por, kumba ia tip ym pat pynlait namar ka iew ka hat ruh la khan lut, te ki briew ban shallan ia u kwai, tympew, sla tyrpat, synsar ruh ka dang don jingeh namar ka iew la khanglut baroh khoit.

Ha kato ka por ha ka jingiakren na la liang jong u SDO u la ong ba haduh Laitlyngkot te u lah ban pynlait. La ong ba kum ka MDC hapoh ka jingialam jong u CEM u bah Titosstarwell Chyne kila leit ia kynduh ia u myntri rangbah ka jylla, u Deputy Chief Minister kum ka kynhun na ki MDC.

Na ka liang jong u Deputy Chief Minister u bah Prestone Tynsong u la shim khia ia kane, u la ong hi ruh ba kin pynjynsur noh, kin pynlait noh bad ia kane ruh la mih ha ki lat pathai khubor, kum ki nongmih khmat ki sngewthuh ia ka jingeh kaba ki paidbah ki mat khamtam ki nongrep.

Kane ka jingeh kam dei tang ha ka jylla Meghalaya, hynrei ha ka Ri India baroh kawei bad ka pyrthei ruh baroh kawei ka jylla jynjur lut hynrei ka jingpynrem jong ka HYC ia u MLA bad MDC ka long kaba bakla shibun.

Dei ban sngewthuh ba ka iew kam iaid tang ha Pynursla, u Kwai, Tynpew ki iaid sha bar jong ka, khamtam u Sla tyrpad bad u Synsar u iaid sha bar jong ka jylla, ha kato ka por la khanglut, ka jingkynnoh ka HYC ka long kaba ialam bakla ia ki paidbah, kum ki nongmih khmat kila leh la kamram ban ia kren ia ki jingeh jong ki paidbah.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet