Shillong, Nailur 3: Mynta ka sngi u myntri ba dei peit ia ka rep ka riang u bah Banteidor Lyngdoh, ha ka jingiadon lang u MDC u bah Martle N Mukhim EM ka KHADC la buh ia u mawnongrim ban shna ia ka CHC ha Jongsha.
Haba kren ha kane ka jingialang u bah Banteidor ba dei ruh u MLA katei ka jaka la ong ba ka jingkyntiew ia ka PHC sha ka CHC ka long ban ai ka jingshakri kaba kham bha ha ka laing ka koit ka khiah ia ki paidbah ka thain.
Ha kane ka sngi u myntri ka tnad rep u khot u wer ia ki paidbah ka thain ban ia treilang bad ka sorkar khnang ban dup lah ban ai ka jingshakrei kaba kham bha ha ka koit ka khiah na ka bynta ki paidbah ka thain.
Ha kane ka sngi la don lang ruh ki ka Dr. H Lyndem Director ka tnad ka koit ka khiah, u bah G Dkhar BDO jong ka Mawkynrew Block bad bun kiwei ki heh sorkar ha ka jingiadon lang ki riew paidbah na katei ka thain.
