New Delhi, K. Lyngkot 30: U Myntri khynnah jong ka Sorkar Pdeng ba dei peit ia ka Tnat Development of North Eastern Region (DoNER), MoS PMO, Personnel, Public Grievances, Pensions, Atomic Energy and Space, u Dr Jitendra Singh u la ong ba ka jingkyntiew u Myntri Rangbah duh ka ri ia ka “Act East” ka la wanrah ia ka bynta ba thymmai ha ki jingiadei jong ngi bad ki ri ba marjan lyngba ka “Act East” policy.
Haba ai jingkren ha ka jingialang Asia Pacfic Youth Exchange (APYE) ryngkat bad ka Vice President jong ka Republic of Philippines, ka Maria Leonor Gerona Robredo bad u myntri rangbah jong ka Mizoram u Zoramthanga.
U Dr. Jitendra Singh u la ong kum u Myntri ba dei peit ia ka tnat Development of North Eastern Region (DoNER), u sngewkmen ban pyntip ba ka jylla ka thain shatei lammihngi jong ka Mizoram ka ioh ban pyniaid ia kane ka jingialang. U la ong, ia ka thain shatei lammihngi la ker sawdong da ki thain khappud bad kiwei ki ri bad kane kalong kum ka khyrdop jong ka India sha ka thain mihngi.
U Dr. Jitendra Singh u la ong, naduh ba u Narendra Modi u la shimti kum u Myntri Rangbah duh jong ka ri, u la phaikhmat kyrpang sha ka roi ka par jong ka thain shatei lammihngi jong ka ri. U la ong, kane kalong ruh kaba kongsan namar lada ka India ka iatreilang bad ki ri ha kylleng ki thain khappud shaphang lammihngi, kadei ban don ia ka nongrim kaba khlain ha ki jaka kiba jan bad thain khappud lammihngi ba kynthup ia ki jylla ka thain shatei lammihngi
Namar ka jinglong jingman ka jaka bad ka jingriewspah ha ka jingdon jingem ka mariang kumjuh ruh ki jingdon jingem ba iadei bad ka rep ka riang bad ka jinglong ka suinbneng, u Dr. Jitendra Singh u la ong, ban ioh ki lad ban rung sha ki iew ba thymmai ka Asia kaba kongsan na ka bynta ka jingioh pyndonkam pura ia ki lad ha ka khaii pateng.
U la kynmaw kumno da ka jingshimkhia u Myntri Rangbah duh, u Narendra Modi la pyndep ia ka Indo-Bangladesh Agreement kaba la wanrah ka jingiakylliang ia ki jaka khappud kaba la wanrah ruh ia ka jingsuk ha ka jingioh rung sha Bangladesh bad kiwei kiwei ki thain.
U Dr. Jitendra Singh u la pyntip ba ha ki por ban wan, ka Sustainable Development Goals (SDG) kan ialam lynti ia ngi na ka bynta ka roi ka par ha kaba iadei bad ka imlang sahlang, ka ioh ka kot bad ka mariang. U la iaroh ruh ia ki sienjam ba la shim da ki nongpyniaid jong kane ka jingialang ban pynlong ia ki jingiaphylliew jingmut jong ka Asia Pacific society bad ki nongshong shnong jong ka thain.
