Shillong, Rymphang 14: Ka Khasi Students’ Union lyngba ka shnat treikam ka jong ka NEHU Unit, ha ka 13 tarik u Rymphang 2023, ka lah leit ban maham tyngeh ia kawei ka Associate Professor jong ka Department English Literature, kaba bat ruh iaka kyrdan Director jong ka Skul bah English and Foreign Langauge University (EFLU), Shillong Campus ka ba don hapoh ki sawkynroh ka Skulbah NEHU.
Kane ka nonghikai la tip kyrteng kum ka Dr. Mousumi Guha Banerjee,hadien ka jingioh jingujor na ki katto katne ki Samla pule khasi jong katei ka skul bah sha ka Seng halor ka jingleh shilliang khmat, leh ñiewbeiñ ban beiñ bad ka jingpyndik ia ki Samla pule khasi na ka por sha ka por.
kane kala pynlong ia bun ngut kitei ki Samla Khasi ban pynkut noh shiteng por ia ka jingpule ka jong ki na katei ka Skul bah na ka daw ka jingbym lah shah shuh ka jongki iaka jingleh ñiewbeiñ jong katei ka Nonghikai.
Ha ba lah ioh sngew ia ki tei ki jingujor mar mar ka seng ka la leit ban ia iakynduh markhmat bad katei ka Associate Professor ha ka ophis trei kam ka jongka, ha katei ka jingiakynduh ka tei ka Nonghikai ka la kyntait ia kitei ki jingkynnoh hynrei haba ki dkhot ka seng ki lah buh ka jingkylli ba kumno pat ba ki bun ki samla pule khasi kiba ieh noh shiteng por iaka jingpule nakatei ka skul bah bad bun na ki ki dei na ka department ka jongka.
Katei ka Nonghikai ka khlem lah ban ai ka jubab kaba shai satia, shuh shuh ka Seng ka lah ai da ka jingmaham ba tyngeh ia kane ka Nonghikai daka buh artat iaka jingmana ba lada kum kine kin jingjia kin jia biang nangne sha khmat pyrshah iaki Samla Pule khasi ka Seng hi khlem jingmap kan shim ki sien jam ba tyngeh eh iakatei ka Nonghikai.
