Shillong, Iaiong 22: Mynta ka sngi ka sorkar jylla kala pyntip ba ka jinglehburom khatduh ia u myntri rangbah bad Lamphang barim ka jylla u bah J Dringwell Rymbai “State Funeral” kan long la shai ka sngi ha Madan Heh ha Mawlai.
Ka jingleh burom khatduh na ka liang jong ka sorkar ia u myntri rangbah barim ka jylla kan long ha ka por 1.30 baje nohphai sngi, kane ka jingleh burom kan long na ka liang jong ka sorkar bad ha dien kata kin sa shimti kiba ha iing ban pyndep ia kaba sah.
U bah JD Rymbai bam kwai ha dwar u blei u la jop san sien lynter kum MLA na Jirang Konstitwensi, saw sien u la jop na ka party Congress bad shisien na ka party UDP, u la long ruh u Deputy Speaker, Speaker bad kum u myntri rangbah ka jylla.
