Shillong, Nohprah 23: U myntri rangbah ka jylla u la leit ban jngoh ia ki karkhana kiba don ha Ri Bhoi District ha ka jingiadon lang u myntri ba dei peit ia ki kam karkhana u bah Sngniawbhalang Dhar bad u MLA jong ka Jirang u Bah S Sohtun bad ki heh jong ka tnad karkhana jong ka jylla.
Ha kane ka jignleit ba nyngkong jong u mytnri rangbah sha ki karkhana kiba don ha Ri Bhoi District ban peit ia ki karkhana ka long ban sngewthuh da lade ia ka jingtrei kam ka jong ki bad ban sngewthuh ruh ia ka rukom ai kam ai jam haba kine ki karkhana ki don ha ka jylla.
U mytnri rangbah ka jylla u la ong ba kane ka jingleit ka jong u sha ki karkhana kiba don ha Ri Bhoi District ban jngoh ia ki ka long bay n tip la kine ki karkhana kiba don ki long shisha kiba trei kam ne em bad ha ka juh ka pir ban sngewthuh ia ka jingeh ka jong ki haba ki buh ia kine ki karhna.
Kaba kongsan ka long ban tip ia ka rukom ai kam ai jam ha kine ki karkhana kiba don, kane kam dei ban long tang ha katei ka jaka kaba don Ri Bhoi District hyrnei kan long ruh ha ka jylla baroh kawei bad na ka liang jong ka sorkar ka kwah ban iohi ba ka jylla ka dei ban don ia ki karkhana.
Na ka liang jong u myntri rangbah u la ong ba ha kane ka jingleit jngoh jong u ia ki karkhana u la lah ban leit tang sha kisaw tylli ki karkhna bad na kine ki paw shai ba kine ki karkhana kila long kiba la bit la biang bad kum u myntri rangbah u kwah ban iohi ba ki karkhana ki dei ban don ha ki bynta bap her bapher jong ka jylla hi baroh kawei.
