Shillong, Naiwieng 03: U Dr Steve
n Aibor Dkhar Kharsyntiew u la khlad noh ha ka 31 Risaw 2017 ha Pondicherry. u dei u khun jong u bah Francis C. Banks bam kwai ha dwar u blei bad ka kong Silvery Dondor Dkhar. La kha ia u ha ka 30.05.1960. U deiruh u khun ksiew jong u Dr. H. C. S. Wallang ba la juh khot ieit Dr Hem bam kwai ha dwar u Blei bad ka kong Silincy Meris Kharsyntiew bam kwai ha dwar u Blei.
U Dr Steven lah pyndep ia ka jingpule jong u na ka skul Auxilium bad St. Anthony’s High School bad i lahjusah ha Don Bosco Hostel ha ki por ba u dang don ha skul. U lah pyndep ruh ia ka jingpule Doktor MBBS, MD ha ka Pharmacology na Maulana Azad Medical College, New Delhi.
U la ia poi kha bad ka Dr. Pampa Ch Toi bad ki don ar ngut ki khun u Reuben bad ka Adriana. Ha dien pat u sa leit ban tei kum u Assistant Professor of Pharmacology ha Jawaharlal Institute of Postgraduate Medical Education and Research (JIPMER) Pondicherry ha u snem 1994. u long u briew u ba bha, ba sbun bad ba jai jai bad ruh u ba ieid palat ia ka subjek la jong haduh ka sngi ba u khladnoh, u dang bat iaka kam kum u Head jong ka Department jong ka Clinical Pharmacology bad kum u Professor Senior Scale bad u dei ruh u ba nyngkong na ka jaid bynriew khasi ban ioh bat ia kane ka kyrdam hapoh jong ka JIPMER.
U la long u nong ialam lynti ia bun bah kiba pule MD, PHDs bad DM bad u long ruh u briew uba sngewtynnat ban wad jingtip kham bniah ia kiei kiei baroh. Ka jingieid jong u ia ka kamhikai ka la pynpaw nam bha ia u khamtam ha ki khynnah pule. u long ruh u nongtem nongrwai ba tbit bha bad u ju sngewtynnat eh ban rwai iaki jingrwai niam bad ban iaroh ia u Trai.
u long u Lok uba bha tam, u kpa ba ieid khun bad u briew ba bha palat. Ka jinglong babha tam jong u ka long ka jingngeit ba khlain jong u ha u Trai Jisu Krist bad u la lah ban ia khun iaka jingshitom da ka jingngeit ba skhem jong u ha u Trai. u la sdang shitom naduh u Jymmang 2011 bad kane ka jingshitom ka la bat ia u haduh ka 31.10.2017. u long u nong bud ba skhem jong u Trai Jisu bad ngingeit skhem ba u la don bad u Kpa ha bneng.
Ha ka 2 Risaw 2017 ka la don ka jingleh burom ia u ha JIPMER auditorium ha Pondicherry bad ka jingiaseng ba kyrpang ruh la pynlong ha Emmanuel Methodist Church, Pondicherry. Ka jingleit on tep kan long ha la shai ka sngi saitjain kata ka 4 Naiwieng 2017 ha u Lum jingtep Presbyterian, balang Mawkhar ha Mission compound. Ka jingiaseng on tep kan sdang na iing lok ha Nongkynrih, Laitumkhrah ha kapor 2.00 baje mynsngi.
