Ka jinglong jingman ka Avian Influenza ha ka ri, la kyrpad ia ki sorkar jylla ban peitngor

New, Delhi, k. Lyngkot 10: Ha ka 10 KYLLALYNGKOT 2021 4:03 Janmiet da ka PIB Delhi Hadien ka jingpynshisha ba ka don ka khlam ha artylli ki jaka ri syiar jong ka Panchkula distrik jong ka Haryana, ka jylla ka la buh 9 tylli ki Rapid Response Team bad ki kam ban tehlakam ia kane ka khlam ki la iaid shakhmat ha kine ki jaka. La pynshisha ba ki don ki case positive ia ka khlam Avian Influena (H5) ha ki sim bad ki tyngab ha Surat distrik jong ka Gujarat bad Sirohi distrik jong ka Rajasthan. Shuh shuh la ioh jingtip ba ki don ki jingiap jong 86 tylli ki tyngab bad 2 tylli ki han ha Kanggra distrik (Himachal Pradesh).La ioh jingtip ruh ba ka don ka jingiap jong ki sim khlaw ha Nahan, Bilaspur bad Mandi ha Himachal Pradesh bad la phah ia ki nongmuna sha ka jaka test ba la ithuh na ka bynta ka jingpynthikna.Ka Tnat ka la pynmih ia ki jingbthah sha ki jylla ba shah ktah khnang ban lait na kano kano ka jingpur kane ka jingpang. Haduh mynta, la pynthikna ba kane ka jingpang ka don ha ki hynniew tylli ki jylla (Kerala, Rajasthan, Madhya Pradesh, Himachal Pradesh, Haryana, Gujarat bad Uttar Pradesh).Ia ki kaiphod jong ki nongmuna ba la phah sha ka jaka test ha Delhi, Maharashtra ym pat ioh bad dang ap haduh mynta. Shuh shuh, ym pat pynthikna ia kano kano ka nongmuna ba ka don ka khlam ha ki sim na Balod distrik, Chhattisgarh ba ladep test kham hashuwa.La lah ban tehlakam ia kane ka khlam ha ki distrik ba shah ktah jong ka Kerala bad la pynmih ia ki jingbthah sha ka jylla Kerala ha kaba iadei bad ka prokram peitngor hadien ba la sdang ka kam.Ki kynhun sorkar pdeng ba la thung ban peitngor ia ka jinglong jingman ki jaka ba shah ktah jong ka ri ki la leit jngoh ia kine ki jaka. Kawei na ki kynhun sorkar pdeng ka la poi ha Kerala ha ka 9 tarik Kyllalyngkot, 2021 bad mynta ka peitngor ia kine jaka ki jaka ba shah ktah bad ka dang pynlong ia ka jingtohkit. Sa kawei ka kynhun sorkar pdeng ka la poi ha Himachal Pradesh ha ka 10 tarik Kyllalyngkot, 2021 bad ka sdang ia ka jingjurip ha ki jaka ba shah ktah.Ki jylla ki la kyrpad ban pynlong ka jingpynsngew hapdeng ki paidbah bad ban kiar na ki jingshah ialam bakla ha kaba iadei bad ka khlam AI. La kyrpad ia ki Jylla/UT ban pynkhlain ka jingpeitngor ha kylleng ki tyllong um, ki iew, ki zoo, ki jaka ri syiar bad kiwei kiwei, ka jingpynkhuid bha ia ki metiap jong ki mrad, bad ka jingpynkhlain ia ka jingiada ha ki jaka ri syiar.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet