Ka jinglut na ka bynta ka National Games 2022 kan long kumba khatsan spah klur

Shillong, Risaw 07: Tang kumba lai snem shiteng ka jylla Meghalaya kan sa pdiang ia ka National Games kata ha u snem 2022 bad mynta u snem 2018 sa tang ban kutnoh namar u sah sa tang ar bnai.

Ka jingpynkhreh ia ka National Games kan long pura lai snem nangne sha khmat. Na ka liang jong ka sorkar jylla kala dep ban pynkhreh ia ka plan na ka bynta kane ka jingialehkai kaba heh ha ka jylla bad la khien antad ba ka jinglut na ka bynta kane kan kot sha ka T.1,505/- klur tyngka.

Kane ka pisa kan long na ka bynta ban shna ia ki jaka ialehkai kiba ha rukom, wat la haduh mynta ym pat lah ban rai katno tylli ki jait  jingialehkai kin don ha kane ka National Games hynrei la don ka jingpynkhreh ba kin long kumba 32 jait tylli ki jingialehkai.

Ka sorkar jylla mynta kala dep ban wad ia li lad ki lynti baroh ban ioh ia katei ka pisa na ka bynta ban sdangnoh ia ka jingtei ia ki jaka ialehkai, ka sorkar jylla kala pan jingiarap pisa na ka tnad ialehkai jong ka sorkar pdeng, na ka NEC, na ka DoNER, bad na kiwei kiwei ki tnad ka sorkar pdeng.

Ka sorkar kala pynkhreh ruh ban pan jingiarap pisa na ki kompeny bapher bapher kiba don ha kane ka jylla lyngba ka skhim kaba ki kompeny ki don ia kaba la tip kum ka Corporate Social Responsibility (CSR).  Na ka liang jong ka sorkar jylla kala iaid sha khmat ha kaba bud dien ban pynioh ia ka pisa na ka bynta katei ka jingialehkai kaba heh ha kane ka jylla.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet