Ka jingmang pisa ha ki kam pynroi na ka bytna 2017-18 ka long T.6969 klur, ong u Lat

Republic day 2Shillong, Kyllalyngkot 27: U lat jong ka jylla u Ganga Prasad ha ka jingkren ka jong u ha ka sngi rakhe ia ka Republic Day kaba 69th ha Madon Polo u la ong ba ka jingmang pisa na ka bynta ki kam pynroi ha kane ka snem mang tyngka 2017-2018 ka long T.6969 klur kyntup ia ka T.89.10 klur na ka NLCPR. La ong ba ka jylla kala kut jingmut ban poi sha ka thong jong ka roi ka par da ka jingpyntrei kam ia ki skhim kiba bun.

Ha kaba ia dei bad ka shong suk shong shngian ha ka jylla na ka liang jong u lat u la ong ba ka jylla ka sdang ban don ha ka jingshong suk ha kaba kim da don kita ki jingjia kiba pynthud ia ka shong suk shong sain da ka jingiatrei lang jong ki pulit ka jylla lemb ad ki kynhun shipai jong ka Ri. Ka jinglah jong ki pulit ban kem bad ban ioh kurup shibun kit air ialeh kala pynduh ia ka jingdon ki nongleh kam sniew. Ka jinglah jong ka sorkar ban khring ia ki samla kiba la shah ialam bakla da ki lad jingiarap  ba kin lah ban im biang ka jingim kumba long lem kiwei ka jingiaraoh ka leit sha baroh kiba la iatrei lang ban wanrah ia ka jingshong suk.

Haba ia dei bad u pud u sam la ong ba ki don ki jaka kiba don ha pdeng ka jingia khnieh ha pdeng ka jylla Meghalaya bad ka jylla Assam, hynrei ia kine ki jaka ba don ha pdeng ka jingwit ka don ka jingpeitngor  bad ka jingialeh ban pynbeit noh ia kane ka jingeh la ai bor sha ki Chief secretary jong kine ki ar tylli ki jylla ba ki don ia kren ban wanrah ia ka jingiapynbeit kaba neh junom. Bun sien ia ki jingeh hapdeng kine ki ar tylli ki jylla la lah ban pynbeit da ka jingjai jai.

Haba phai sha khappud bad ka Bangladesh ka don ka jingshong suk shong sain bad kumba ka long mynta na ka liang jong ka sorkar jylla kala kut jingmut ban pyndep noh ia ka jingker ksainar shiah bad ka Bangladesh ha khappud ban khanglad ia ka jingwan rung tuh jong ki briew kiba nabar bad ha ka juh ka por ban khanglad ia ki kam lehnoh.

Ha kane ka sngi na ka liang jong u lat ka jylla u la kren halor ki kam pynroi kiba la lah ban pyndep bad kiba dang sah ia kiba yn sa dang pyndep hynrei ka kam kala diang iaid sha khmat. Kumba ka long mynta ka jingpynkhreh na ka bynta ka National Games 2022 kala iaid sha khmat.

Dei ha kum kane ka sngi ba kum ki nongshong shnong jong ka Ri india da kawei ka rai la shim ban pynlong ia ka Ri india ka Ri ‘Sovereign Democratic Republic’. Ha kum kane ka sngi kum ki paidbah nongshong shnong jong ka Ri dei ban kynmaw burom ia ki riew khraw kiba la ialeh lait luid na ka bynta ka Ri. Na kane ka jylla Meghalaya ruh ki don ki khla wait kiba aiti ia la ka jong ka jingim namar ka ka ri kum u  Tirot Sing, U Kiang Nangbah bad  Pa Togan N. Sangma  lem bad bun kiwei ruh.

U Lat u la ong ba ka jingtrei shitom, ka jingieit ia ka jingshong suk da ki paidbah jong kane ka Ri kala wanrah ia ka jingkiew jong ka Ri ha kaiba bun ki liang, ki paidbah nongshong shnong kane ka jylla ki bat ia kane ka burom bad ha ka jingialeh ban ioh ia ka jylla ba pura la ialeh da ki lad ki lynti khlem da don kano kano ka jingiakynad. Na ka liang jong u Lat u kyntu ia ki paidbah nongshong shnong jong ka jylla Meghalaya ban bat ia ka riti synshar paidbah ban poi sha kathong ha ka roi ka par.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet