ka jingmih jong ki 12 ngut ki MLA ka long tang namar ba ki don ha ka liang pyrshah: Vincent

Shillong, Nohprah 04: U President ka MPCC u bah Vincent H Pala la ong ba ha u snem 2018 ruh ki don 12 ngut ki MLA kiba mih bad kiba khlem ia khun shuh ia ka ilekshon na ka party, kiba khlem ia khun shun ki long u Dr. DD Lapang, Kong Roshan Warjri, u Dr Celestine Lyngdoh bad u Dr. R C Laloo.

Kiba mih na ka party pat ki long u bah Prestone Tynsong, bah A L Hek, bah Sniawbhlang Dkhar, kiba mih na ka party baroh ki don khyndai ngut baroh, la ong ba lada ki mih shuwa ka ilkeshon kan ka jingktah hynrei mynta kila mih lypa kan nym don ka jingktah namar kin dang ioh ban pynkhlain ia ka party.

Ka jingleit jong ki 12 ngut ki MLA kiba mih mynta sha ka party kaba ym pat don jaka ha kane ka jylla kan eh shibun ban shuh thied, wat ka Party NPP ka shim por ia ka ban ioh rung, ka BJP wat la ka khlain ka rukom pyniaid hynrei ki briew kim pat pdiang, kan shim por ruh ia ka Trinamul ban suhthied la ki stad ne don pisa katno katno ruh.

Da phi peit kine kiba mih mynta na ka seng congress da phi peit ka dei tang na kawei ka iing na Garo Hills bad ki saw ngut na Khasi Hills u President ka MPCC u ong ba um thrai ba kin jop shuh, la ong ba 80% na ki Congress ki dang don bad ka party.

Kane ka jingmih jong ki kan nym ktah namar ka por ka dang biang ba kin pynkhlain ia ka party mynta, katba ha ka ilekshon kaba la dep pat ki mih shuwa ka ilekshon kum u bah A L Hek u mih shitaiew shuwa ka ilekshon kane ka buh ia ka party ha ka jingeh.

Ka jingmih jong ki mynta ka dang bha shuhs shuh namar kine kin ialeh ban pynrung ia kiba ha iing la jong, da ka jingmih jong ki lah ban pynrung ia ki kyrtong kiba dang samla, na Garo Hills bun ki samla kila wan bad kum juh ha khasi Hills.

Haba phai sha u Dr. Mukul  u President ka MPCC u la ong ba u Dr Mukul u shulong tang u wei na ki nongialam ha ka party, la ai nuksa ba u bah Mayralborn Syiem um na u Dr. Mukul ne u bah Pala, hynrei u jop da ka jingtrei shitom ka jong u, lane u bah Charles bad kiwei kiwei ruh kum juh.

Bah Pala la ong ba ha Ri Khasi Jaitnia ka eh ban pynbiej namar ki tip ia no ban vote bad iano ban nym vote, ia no ban shaniah bad iano ban nym shaniah, kam dei kaba suk ia u Dr, Mukul ban pynbeij ia ki briew bad ia u ruh kum juh ka dei kaba suk lada kim ai ki kyrtong kiba biang.

Ka jingiarap ia ka party kan shong ha ki katkum ka jingbuh ia ki kyrtong bad ka jingleh jong ki ban poi sha ki paidbah, ka jingmih jong ki 12 ngut ki MLA ka long tang namar ba ki don ha ka liang pyrshah, kynnoh u bah Pala president ka MPCC.

Ban kynnoh pyrshah ia u kum u president ka MPCC kam don jingmut namar tang ban trei ruh pat ioh, ka jingkren pyrshah ia u kum u president ka dei kaba la shuh pynkren, la ong ba don u wei u samla ba kwah ban ia khun ilekshon bad la kylli hato don ne em kata ka jingdon namar don kam ban tip hynrei ban pan pisa kam don.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet