Shillong, Rymphang 28: U myntri rangbah ka jylla u Coanrd K Sangma, mynta ka sngi u la ong ba ka jingong ban weng ia ka BJP na ka sorkar MDA ka dei ka jingpynsngew jong ki katto katne, hynrei kam shym wan na ka party UDP. Haba ia dei bad kane u myntri rangbah u la ong ba ia kane kin sa ia kren hapoh ka sorkar MDA ban ia pynbeit ia kane.
Kane ka jubab jong u myntri rangbah ka long halor ka jingkylli ha kaba ia dei bad ka jingong jong ki ar ngut ki nongialam ka UDP, u bah Paul Lyngdoh Working President bad u bah Alantry Vice President ba ki kwah ban ia kren bad ka sorkar ban weng noh ia ka BJP na ka sorkar MDA.
U myntri rangbah u la pynshai ba ka BJP Meghalaya kala ia shim lang ia ka rai hapoh jong ka kabinet ban pyrshah ia ka CAB bad ha ka juh ka pork um ka party na kane ka jylla Meghalaya kala phah ruh ia ka Dorkhas sha u myntri rangbah duh jong ka Ri India u ba dei u nongialam jong ka party ban pynpaw ia ka jingpyrshah ka jong ki ia ka CAB.
Hynrei na ka liang jong u myntri rangbah u la ong ba lada don kam ban ia kren kin sa ia kren hynrei kane kam don jingeh ei ei shuh namar ba kane ka kam kaba ia dei bad ka CAB ka jingkhang mynta kala khang, la ong lada don kam ban ia kren u kloi ban ia kren halor kane ka phang.
