Ka jingot kilo ia ki mar rep ka dei ban long katkum ka jingkhiah ka kriah ne byrni: Klephas

Shillong, Risaw 04: Ka dorbar ka Hima MMyntri kharlukhiylliem mynta ka sngi ha ka jingialang kaba la pynlong ha Iew dielang ha Iewduh u myntri ba dei peit ia ka kam iew u Bah Klephas Langstieh u la pynbna ba ia ka jingot kilo ia ki mar rep kan long katkum ka jingkhia jong ki kriah ne ki borni.

Haba pynbna ia kane ka rai jong ka Hima, u Myntri ba peit ia ki iew u Bah Klephas u la ong ba ki nongthied ki dei ban thew biang ia ki jingthep ba la pynthylli bad khate katkum ka jingkhia ki jingthep la ka long ki kriah ne ki byrni.U la ong ba lada ki nongrep ki dang shah khñiot bein ha kaba ot kilo ki dei ban pyntip sha ka Hima bad ka dorbar kan pynshitom ia ki mahajon katkum ba shah ka ain Hima.

Ha kajuh ka por u Myntri Langstieh u la ong ba ka dorbar ka la rai ruh ban nym shah shuh ia ki nongdie jhur khutia ban die ha ka iew die lang shwa ka 2 baje khnang ban nym ktah ia ki mar rep.

U Myntri u la ong ba kane ka sienjam jong ka dorbar Hima ka long ban pynlait ia ki nongrep na ka jingshah khniot ki mar jongki haba ki leit ban die ha ki iew. U la ong ruh ba kino kino ki nongthied kiba pyrshah ia kane ka hukum jong ka Hima, yn pynshitom katkum ba shong ka aiñ.

U president ka Hills Farmers Union u la iaroh ia kane ka sienjam jong ka Hima ban ai khublei ruh ia ka executive dorbar ka Hima Mylliem ba la ialam da u Acting Syiem, u Paiem Ainam Manik Syiem.

 

What Next?

Recent Articles

Leave a Reply

Submit Comment

*