Shillong, Risaw 21: U Chief Electoral Officer (CEO ) jong ka jylla Meghalaya u bah FR Kharkongor u la iathuh ba ka jingpoi jong ki paidbah ban thep vote ha kane ka ilekshon shiteng samoi hapoh jong ka 26-Shella Konstitwensi kan kynjoh sha ka 80%.
Haba kren ha ki lad pathai khubor mynta ka janmiet u Bah Kharkongor u la ong ba ka ilekshon kala iaid beit iaid ryntih lait noh tang shijaka ba thmut ka mashin thep vote ia kaba la lah ban pynbeit ia ka ha dien khyndait por.
La iathuh ba ka polling station kaba poi bun tam eh ki nongthep vote ka dei ka Wahutim kaba la kot sh aka 92.37% bad kaba duna eh kiba poi ki nongthep vote ka dei ka MeSEB-MCCL polling station ha kaba ki nongthep vote kila poi tang 47.37%. la ong ba kiba bun eh kiba poi thep vote ki dei ki kynthei.
La iathuh ba ka niew vote kan long ha ka 24 tarik mynta u bnai, ia ka jaka buh ia ki kot thep vote la pynap pulit ha ki lai kyrdan, kiba ha khmat eh kin dei ki pulit CrPF, ki pulit jong ka jylla bad kawei ka kynhun pulit. La iathuh ba ha kane ka election la ioh ban kurup tang ka kyiad.
