New Delhi, Nailar 08: Ka jingkyntiew ia ka jingpyniasoh hapdeng ka India bad Bangladesh, lyngba ka thain shateilammihngi, kalong ka bynta kaba donkam bha ha ka jingiadei hapdeng jong ngi bad ka jingkiew shaphrang ba la iohi ha kine ki khyndiat snem.
Ki jingshakri ki rel bad ki bus hapdeng ki artylli ki ri ki la sdang biang hadien ka khlam. Dang shen, ka Mitalee Express na New Jalpaiguri sha Dhaka kaba iaid lyngba Haldibari- Chilahati ka la sdang treikam biang naduh ka 1 tarik Jylliew, 2022.
Kane kalong ka rel kit passenjar kaba lai hapdeng ka India bad Bangladesh. Ki projek rel ba dang pyntrei mynta ka “Agartala-Akhaura- Rail link” kaba pyniasoh ia ka Agartala (Tripura) bad ka Akhaura (Bangladesh) bad ka “jingshna ia ka lynti rel ba thymmai ka Mahisasan (India)-Zero Point (Bangladesh)” kin kyntiew ia ka jingpyniasoh hapdeng kine ki artylli ki ri.
La pyndep ia ka jingshna ia ka MaitriSetuhalor ka wahFeni ha Sabroom bad la sdang ia ka Royal Maitri International bus Servicena Tripura sha Kolkata lyngba ka Bangladesh da ka Tripura Road Transport Corporation (TRTC).
Shuh shuh, ladep ban iasoi ia ka MoU na ka bynta ka jingkitshipor ia ka petroleum, oil and lubricants (POL) bad ki mar Liquefied Petroleum Gas (LPG) lyngba ka Bangladesh sha ka thain shateilammihngi jong ka ri hapdeng ka Tnat Road and Highways, Sorkar Bangladesh bad ka Indian Oil Corporation Ltd. ha ka 2 tarik Nailar, 2022.
La iakren bad ka Bangladesh shaphang ka jingtyrwa ban shna ia ka surok na Mahendraganj ha Meghalaya sha Hili ha West Bengal lyngba ka Bangladesh ha ka Virtual Summit ba la long ha u bnai Nohprah, 2020 kumjuh ruh ha ka por ka jingleit u Myntri Rangbah duh sha Bangladesh ha u bnai Lber, 2021.
Ia kane ka jingtip la ai da u Myntri ba dei khmih ia ka Tnat Development of North Eastern Region u G. Kishan Reddy ha ka jubab kaba shu thoh ha iing dorbar thawain LokSabhamynta ka sngi.
