Ka jingpynrung kyrteng ia ki paidbah ha ka MHIS-IV kan dang beteng ong u CEO

Shillong, Jymmang 08: U Chief Executive Officer (CEO) ba dei peit ia ka Meghalaya Health Insurance Scheme IV (MHIS) u Pravin Bakshi mynta ka sngi u la ong ba ka jingpynrung kyrteng ia ki paidbah nongshong shnong kan dang iai beteng.

Haba kren ha u SP News Agency u la ong ba ki paidbah kim dei ban sngap ia ki khubor hamsai kiba la sdang ban pynsa phriang kylleng ban ong ba ka jingpynrung kyrteng kan kut noh mynta u bnai. Kane ka dei kaba khubor kaba bakla wat na ka liang jong ka ophis ruh kala ioh sngew ia kane ka khubor.

Na ka liang jong u CEO ba dei peit ia kane ka skhim MHIS-IV u la ong “ Ki paidbah kim dei ban shah ialam bakla, ka jingpynrung kyrtweng kam dang iaid beteng na ka bynta ki paidbah ha baroh kawei ka jylla Meghalaya”.

La iathuh ba ka jingiapher ha kane ka jingpynrung kyrteng mynta bad kaba mynshuwa ka long, ba mynta u wei pa u wei u nongshong shnong jar kiba la pynrung kyrteng kin ioh u ne ka wei ka briew kawei ka “Smart Card” kam dei shuh  kum mynshuwa ba ha kawei ka kard lah ban pynrung saw ngut.

U CEO jong ka MHIS-IV u la iathuh ba haduh mynta la lah ban pynrung kyrteng haduh san lak ngut ki paidbah bad kane kan dang iai beteng ba ka thong ka long ban ialeh ban pynioh ia baroh ki paidbah nongshong shnong ba kin ioh rung kyrtweng ha kane ka MHIS-IV kaba mynta.

What Next?

Recent Articles

Leave a Reply

Submit Comment

*