Shillong, Nailur 08: Ka sorkar Meghalaya hapoh ka jingialam ka NPP ka la rai ba ka CrPC bad ka CPC kan treikam noh ha baroh ki ing kashari ka Jylla . Kaba mut ka CPC bad CrPC kan treikam noh ha ki Kashari shnong , Kashari Raid , Kashari Hima bad Kashari Dist Council.
Lada lah trei kam ka cpc bad crpc ha ki Kashari Shnong bad ki Kashari hima , kine ki Kashari ki hap khang noh namar kim don pisa ban siew bai nongbishar ba lah pass LLB shaneng kiba tip cpc & crpc namar lada kin bishar hi ruh kin nym lah shuh.
Ka Jing kylli kaba mih mynta ka long kan Jia aiu ia ka bor ki Kashari Jong ki Dist Council ban bishar ia ki mukotduma ba ia dei para Riewlum ha ki Jaka Riewlum Baroh Shi kata ki Kashari sorkar ki bishar ia ki mukotduma ba ki mamla ki dei ki Non tribal lane uwei na ki mamla dei u Non Tribal bad ia kito ki Kashari kyrpang kum ka Special Judges Pocso , NDPS, UAPA etc .
Lyngba kane ka jingpyntrei kam cpc & crpc ki mamla phoidari kiba la ujor Sha ki pulit kin leit Beit Sha Kashari sorkar ym shuh sha Kashari Dist Council bad hangne ki Kashari Dist Council ki lah ban nym don mukotduma shuh ban bishar ia ki criminal case.
Ka sorkar kan sa Ong ba ha ka notification la thoh ba ki Kashari Dist Council kin bteng ban trei kam kat kum ka para 4 bad para 5 Jong ka sixth schedule. Ka jingkylli ka long naduh mynno la don kam notification na ka Sorkar Jylla kat kum ka CPC and CrPC ba kin treikam. Hooid ki Kashari Dist Council ki don kam ka jingpynkup bor na u Governor kat kum ka para 5 jong ka sixth schedule hynrei kim don kam notification na ka cpc & crpc ba kin bteng ban trei kam .
Lada ki notification ban pyntreikam ia ka CrPC bad CPC ka long kumto kumba thoh u CM , Conrad Sangma ha FB page , ka mut ki notification Kan tyngkhuh bad ka para 5 (3) Jong ka sixth schedule kaba ong ba ka CPC bad CrPC kin nym treikam ha ki Kashari ba shna ka District Council.
Ki notification ki Ong Kan treikam katba ka para 5 (3) ka Ong kin nym treikam. Te hangne Kan wan ka para 12 A(a) Jong ka sixth schedule bad namar CPC & CrPC ki dei ki central laws Kan prevail ( ieng ) ka notification bad ia ki Rules ba shna ki District Council bad hangne ki Kashari Dist Council bad ki Kashari Shnong , Kashari Raid bad Kashari Hima kin sa duh noh.
Ka jingban khiah ( burden ) Jong ka cpc n crpc ha ki paidbah ha ki mukotduma ka bym kai. Ka supreme court ha ki katto katne ki mukotduma ka la kren Shai ba ka cpc & CrPC kin nym treikam namar ki Riewlum kin sa shah ktah. Balei pat kane ka sorkar ba lam khmat ka NPP kam sngewthuh ia kata ?
Ha ka jingshisha Lada ka sorkar ka kwah ban ai Bor ia ki Kashari sorkar ka la dei ban shna da ki wei ki Ain kum ka Meghalaya criminal procedure code bad ka Meghalaya civil procedure code bad haba shna ia kine dei ban peit ba ka Bor ki district council court bad ki court Trai Ri Kan nym ktah lane Lada ki pyntreikam makna ia ka cpc bad crpc kin leh kumta tang ha ki dist court bad ia ki Kashari Shnong, Raid , hima bad Kashari Dist Council lah dei ban Pynlait bad ia ka bor jong ki Dist Council court ban bishar ia ki mukotduma hapdeng ki Riewlum ym dei ban knieh noh .
Mynshwa ki Rangbah shnong ki la shah pynduh Bor ban ai syrnod..Mynta ka sorkar u Conrad Sangma ka la kdiah noh bad pynduh noh ia ka bor bishar Jong ki Kashari Dist Council , ki Hima , ki Raid bad ki Shnong, la ong u bah Robertjune Presdient ka HYC.
