Shillong, Nailur 14: U Myntri rangbah ka jylla U Conrad K Sangma mynta mynta ka sngi u la ia kynduh ia ka kynhun ki MDC jong ka KHADC hapoh ka jignialam jong u CEM ban ia kren halor ka jingpyntrei kam ia ka “Code of Criminal Procedure” bad ia ka “Code Of Civil Procedure” ha ka jylla Meghalaya baroh kawei.
Haba kren ha ki lat pathai khubor ha dien ka jingiakynduh ia ki MDC jong ka KHADC, u myntri rangbah ka jylla u la ong ba ka jignpyntreikam ia ka CrPC bad ia ka CPC kan nym ktah ia ki bor bishar jong ka District Council namar ki District Council ki ioh ia ka bor ban bishar na ka para 4 bad para 5 ka Sixth Schedule.
Ha kane ka jingialang u myntri rangah ka jylla u la ong ba u la pynshai bha sha ki MDC jong ka KHADC ha kaba u la ong ba kan nym ktah ia ki bor jong ki District Council, kane ka jingpynbna ka sorkar ka long tang na ka bynta kito ki iing bishar dei na ki DC mynshuwa bad mynta la phaih ia ka jingtrei kam ha pdeng ka iing bishar bad ki ophisar.
U bah Titosstarwell Chye CEM jogn ka KHADC u la ong ba wat la ka sorkar kala pynshai ha kane ka jingiakynduh lang mynta ka sngi ban ia kren ia kane ka phang, na ka liang jong ki MDC ka KHADC kin dang ia kren biang ia kane ka phang bad ha dien kata kin sa shim ia ka rai la kin pdiang en kimnym pdiang.
Haba kren ha ki lat pathai khubor u CEM ka KHADC u la ong ba ha kane ka jingialang ki khlem pat ai kano kano ka kular, la iathuh ba la shai ka sngi kin dang ia kynduh biang ban ia mir jingmut ha pdeng ki para MDC namar kane kadei ka kam ai ia kaba yn lah ban ai rai kumne ki hap ban ia kren biang.
