Shillong, Jymmang 19: U nongaiktien jong ka BJP Meghalaya state unit u bah Himalaya Shangpliang u la ong ba ka party ka la sngewhun shisha ianka rukom ai jingpyntreikam jong kane ka roster.
U la ong katkum ka jingpynshai jong ka sorkar kane ka roster kan don ka bynta ba ki khasi bad jaintia ki ioh la ka jong bad ki paralok garo kumjuh ruh ki unreserved category.
Lada la pyniaid ia kane ka roster kan don shisha ka jingioh bynta ba la phiah ia ka bynta jong baroh katkum ka reservation policy. Ymdei ba iaidlait ia ka reservation policy, hynrei ka dei katkum ka reservation ba ki khasi kin ioh 40% bad ki garo ruh kin ioh 40% bad kumta ter ter kiwei dei kiba dei ban ioh.
La mang ruh ha ka roster system ia ki briew kiba don ka jingduna dkhotmet kiba la ju tip kum ki pwds, kumjuh ruh la mang na ka bynta ki sports person ki ba don ha ka jylla ruh kala kdew shai bha.
U la ong ba lada bud shisha katkum kane ka roster system kan long shisha kata ba mano mano ruh ym don ba lah ban pynkylla ban pynrung kam kat kum ka mon jongki ki hap ban bud thik pa thik kat kum ka roster, namar ka dei ba man kawei pa kawei ka department ka dei ban bud beit thik.
Dei namar kata kum ka party BJP ka sngewthuh ba ka biang namar ki la sngewthuh ia ka jingpynshai jong ka sorkar. U la ong ruh ba na ka liang ka BJP ka ai jingmit ianka sorkar ba ka dei ban thaw ia kawei ka committee ka ban peit bad ban nang kham pynjanai Shuh Shuh khnang ba kan pynsngewhun lang ia baroh.
U la ong ba kane ka jingpyntrei kam ka sorkar ia kane ka roster system ki khun samla kin ioh ia ka bhah jong ki ha ka jingwad kam jong ki, nalaor kata ka roster kam lah ban long na ka bynta kiba leit ban pule higher studies lane kiba pule medical lane engineering. Kan ttrei kam beit thik kumba la ppynshai da u myntri rangbah ka jylla. Ka roster kan dei beit thik tang ia kito ki samla ki ba wad kam.
