Ka jingpyrshah ka KSU ba shah ia ki briew na sha bar ka jylla dei ban duna ki doktor : KSU

Shillong, Jylliew 20:  U President jong ka KSU South West Khasi Hills District u samla Forwardman Nongrem u la ong ba ka jingiakynduh ia ki lai ngut ki MLA mynta ka sngi ka long ban ia kren halor ka jingwan rung ki briew na sha bar ka jylla sha ka dong bad ka thain jong ka South West Khasi Hills District bad hapoh ka Mawsynram Block.

Haba kren bad ki lat pathai khubor ha dien ka jingiakynduh ia ki lai ngut ki MLA, bah Renikton L Tongkhar, Bah Himalaya Shangpliang bad ia u bah Pius Marwein, u samla Forwardman Nongrem u la kren shai ba ka seng ka ieng ha ka nongrim ba kin dang pyrshah ia ka jingwan rah ia kita ki nongtrei kiba la tbit ia mynta.

Ha kane ka jingialang ka KSU kala ai jingmut sha kitei ki MLA ba ia mynta ka KSU ia mynta kim pat lah ban pdiang ia ka jingwan jong ki briew kiba na bar kham tam ha kaba ia dei bad ka jingshna ia ki surok hapoh ka District, ha kane ka jingiakren kine ki lai ngut ki MLA kila ai ka jingkular ba  kin rah ia kane sha ka sorkar.

U nongialam ka KSU u la ong ba ia mynta hi ban wan rah ia ki nongtrei kiba na sha bar ka dong bad ka thain kam pat long shngian namar kumba ki tip ba hapoh ka Mawsynram Block bad hapoh jong ka South West Khasi Hills District ki doktor ki don tang 12 ngut lada jia ba ka wan ka jingpang kin nym lah ban leh ei ei.

Ha kane ka jingiakren ka KSU kala pynpaw ba la dei ban pynsangeh shuwa ia ki kam kiba khlem pat da don kam kyrkieh ia mynta, kum ka jingshna surok hapoh ka dong bad ka thain, hynrei ha kaba ia dei bad ki kam kiba don kam, ka sorkar kala dei ban peit shuwa ia ki briew la jong, kum ha ka Telecommunication bad ki kam bor ding kila don ki briew kiba la lah ban trei ia ka kam, kumba ka long ia mynta ka sorkar kam pat ban wat ia ki briew kiba la don ia ka jingtbit kaba kyrpang.

La ong ba ka thong kaba ha khmat eh mynta ka long ba kumno ban teh lakam ia ka jingsaphriang kane ka jingpang COVID-19 bad haba peit ia kane ka jingpang ha ka Ri kala dang kiew bad kum juh ruh ha ka jylla ba marjan ka Assam, lada ka sorkar kam sngap ia ka sur u paidbah ka long ba ka sorkar ka thmu ban thom nap hang.

La ong ba lada ka mih kano kano ka jingjia hapoh ka dong bad ka thain iano kin kynnoh, na ka liang jong ka KSU ka khmih lynti ba ki MLA ka thain kin shim khia kane kaba ka seng kala pynsngew mynta . Kumba ka long mynta ka sorkar kala ai jingbit ia ki DC ba kan ai jingbit ia ki briew kiba na bar.

Na ka liang jong ka seng kam kwah ban iohi ba ka ophis jong ka DC kan long kum ka jaka ban ailad ia ki briew ba kin wan na kiwei ki jylla. La ong ba lada ym lah ban khanglad ia ka jingsaphriang ia kane ka jingpang ka koit ka khiah kan sa khyllem. La iohi kumba ka long mynta ka sorkar ka lah ban iada na ka jingsaphirang u COVID-19 hynrei lada ym lah ban long kiba husiar ka jinglong ka koit ka khiah kan sa khyllem.

What Next?

Recent Articles

Leave a Reply

Submit Comment

*