Ka jingrakhe ia ka sngi ‘Civil Service Day’ ka long ba ki ophisar kin peit aiu ki la leh: T Blah

Shillong, IaMr T. Blah address at the Civil Service Day observation in WKD.iong 23: Ia ka ‘Civil Service Day’ la rakhe ha West khasi Hills District da kaba pynlong ia ka jingiatai nia ha kaba ia dei bad kane ka sngi. Ia kane ka jingrakhe ka pynlong da ka ophis jong u Deputy Commissioner.

Haka jingkren jong u Bah Tokiwaio Blah IAS u ba la shong thiat noh na ka kam, u la ai ka jingiaroh ia ki District Adminstration kiba la pynlong ia kane ka jingrakhe. Ha kane ka sngi u bah Blah u la ong ba ka jingrakhe ia kane ka sngi ka long ba ki ophisar ki hap ban peit bad bishar ia lade aiu ki la leh.

Kane ka sngi ka dei ka sngi ban pynpyrkhat ia ki ophisar bad ka dei ruh ka sngi kaba ki hap ban pynkynmaw biang ia lade ba ka kam ka jong ki ka long ban ai ka jingshakri ia ki paidbah nongshong shnong bad kin long ki nongmuna ia kiwei ha kaba ai ka jingshakri ka jong ki ha ka kam kaba ki trei.

U la pynkynmaw biang ba ki jinglong kaba kum ki ophisar ki hap ban don ka long, ka jingiaishah, kaba ki paidbah ki lah ban ia kynduh bad ka dei ka kam jong ki ophisar ba kin tip kham bha ia ka jinglang jong ka dong bad ka thain na ka bynta ba kin lah ban ai ka jingshakri ia ki paidbah.

Ha kane ka sngi la pyni paidbah ruh ia kaei kaba ki tnad sorkar kila leh na ka bynta ka roi ka par jong ka West Khasi Hills, kum ka tnad PHE, ka tnad pynneh khyndew jong ka sorkar bad kiwei kiwei ki kam kaba ki la leh na ka bynta jong ki paidbah.

Ka mat pdeng jong ka jingiakren ha kane ka jingrakhe ia kane ka sngi jong ki ophisar ka long, “ ka jingshakri kaba ki ophisar ki ai ha kane ka jylla Meghalaya, bad ki jingeh kiban dang wan sha khmat” .

Kiba la ia shim bynta ha kane ka jingiakren ki long u Bah Boby Majaw  Associate professor jong ka Sankardev College, u Bah Phyrnai Marbaniang  Deputy Director DIPR u ba la shong thiat, u Bah MB Tongper EAC Nongstoin bad u Phadar Alphonse Wahlang Vice President NSSS.

Ia ka jingkren plie ia kane ka jingialang tai la aid a u PD Sangma ADC jong ka NOngstoin, ia ka jingialang la pyniaid da u Bah Kum B Ranee, EAC Nongstoin , kila don 10 ngut ki khynnah skul bad college kiba la wan ban ia shim bynta na ki san tylli ki skul bad College.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet