Shillong, Nohprah 03: Ka ophis jong ka District Social Welfare ka East Khasi Hills District mynta ka sngi kala pyn long ia ka jingrakhe ia ka sngi kiba duna ha ka met ha shnong Mawkdok bad ka phang pdeng ka long ban ktniew bad ban pli lat ia ki ban kiew ha ki liang baroh.
Ha ka jingkren ka kong N Umdor ka ophisar ba dei jong ka District Social Welfare Officer, East Khasi Hills District la ong ba ka jingrakhe ia kane ka sngi ka long ban kyntiew bad ban pli lat ia ki ha ki kam pynroi baroh.
Kane ka jingrakhe ka long ban wanrah ia ka jingiaryngkat lang ha ki kam ki jam bad ha baroh ki liang wat ha ki kam ialehkai ruh kum juh, la ong ruh ba dei ban weng ia ka jingsngew iapher namar baroh ia long kum juh.
Kiwei kiba la kren ha kane ka jingialang ki long bah S. Kharjana, President, Khasi Disability Association, Shillong bala kren iaka hok jong ki katkum ka ain “The Rights of Persons with Disabilities Act, 2016”,
Ka kong D. Thangkhiew, Legal Aid Counsel, DLSA, East Khasi Hills District kala batai ia ki kyndon ain kaba ia dei bad ka kong O. Sumer, kaba dei na ka tnad ka koit ka khiah na ka bynta jong ki, ha kane ka sngi la pynlong ruh ia ka jingai jingsumar ei.
