Ka jingrung u Dilliram sha NPP kan pynkhlian ia ka kyrtong ka seng ka Ferlin ha Selsella

Tura, Nohprah 07: U National President jong ka seng NPP u Conrad K Sangma mynta ka sngi u la pdiang burom ia u Dilliram G Marak sha ka party u ba la ia khun ia ka MLA ilekshon kaba la dep ha kaba u la ioh haduh 3296 but. Da kane ka jingwan kan pynthikna ba ka kyrtong jong ka party ka Ferlin CA Sangma na jop ha ka ilekshon shiteng samoi ha u snem ban wan.

Ha ka jingkren jong u Cornad ha ka jingialang paidbah mynta ka sngi ha Selsella u la ong ba ha kane ka ilekshon ban wan ki paidbah kin nym klumar shuh sha no ban thep ia ka but ka jong ki namar baroh ki party kiba ia don lang ha ka sorkar kin ia treilang namar kane ka sorkar kala kut jingmut ban trei na ka bynta ki paidbah.

Hapoh shisnem mynta kane ka sorkar kala lah ban leh bun ki kam kaba ki paidbah ki la angnud bad kane ka sorkar  kan trei na ka bynta ka roi ka par jong ka jylla hi baroh kawei. Ha kane ka sngi u myntri rangbah ka jylla u la kren ruh bun ki kam kiba ka sorkar kan dang leh na ka bynta ka roi ka par jong ka jylla ha kiba bun ki liang.

Haba ia dei bad u Dilliram G. Marak u ba la wan pyniasoh sha ka seng NPP na ka liang jong u Conrad u la ong ba une u riew rangbah u don ia ka mynsiem kaba jynsur ban trei na ka bynta ki paidbah ka jylla. Kiwei ki nongialam kiba la don lang ha kane ka sngi ki long u working president U Semford B. Sangma, U CEM jong ka GHADC Dipul Marak, Chairman ka GHADC Denang T. Sangma ka  NPP candidate na ka Selsella Constituency ka Ferlin C.A. Sangma bad kiwei kiwei ki nongialam jong ka party.

 

 

What Next?

Recent Articles

Leave a Reply

Submit Comment

*