Shillong, Nailur 17: U Mytnri ba dei peit ia ka tnad sam um bam um dih ka jylla u bah Reniktone L Tongkhar haba jubab ia ka jingkylli jong ka kong Amareen Lyngdoh la ong ba ka dei ka jignshisha ba ka tnad sam um kala pynmih ia ka jingpynbna sorkar bad ka jingpyndait ia ki pipe um la lah ban pyndep bad la pyntrei kam.
Haba ia dei bad ka jingsam um hapoh ka nongbah Shillong ka long 9.20 million gallon ha ka shi sngi ha ka jylla, ka jingpynpoi um ka long katban biang bad kam don kata ka jingkyrduh um, ka tnad sam um ka don ia ka bynta kaba kyrpang ban pynbiang um bad ka jingpynbha ia ki kor kibor ruh ka dang iaid katba dang mih ki sngi.
Haba ia dei bad ka Laitumkhrah, ka jingpynpoi hapoh ka Laitumkhrah konstitwensi ki don lai bynta, ka ka GSWSD bynta ba nyngkong, na ka GSWSS na ka bynta kaba ar bad na ka Wahkhen, haba ia dei bad ka jingsaw ka um ka dei ba ki dang bujli iaki pipe um bad ha dien bala khuid ki paid um ka um kan sa khuid.
Haba ia dei bad ka jingjular ka tyllong um Wahkhen lada ka long ba lah ban maramot tang hapoh T.50 lak kum ba la ong da ka kong Ampareen kan bha palat hynrei katkum ka jingkhien kaba ka tnad sam um kala pynkhreh ban maramot ia ka tyllong um ha Wahkhen kala kot sha ka T.13.2 klur tyngka.
Katkum ka jingdon kam um hapoh kane ka nongbah Shillong ha ka shisngi ka long 10.69 MGE, kaei kaba ka lah ban pynpoi um ia mynta ka long 9.2 MGE, u myntri u la ong ba ynda la lah ban pyndep ia ka GSWSS bynta ba lai yn sa lah ban pynbiang ia kane ka jingdon kam um.
