Shillong, Jylliew 14: U Deputy Commissioner jong ka West Jiantia Hills District u bah Garod LSN Dykes u la ong ba ka jingshim jingkhein ha kaba ia dei bad ka jingpynjulor ka mariang ha kine ki sngi kiba la dep ka dang iaid haduh kine ki sngi ban ioh katno kala shah ktah ha ka mariang.
Haba kren ha u SP News Agency, u Deputy Commissioner jong ka West Jiantia Hills u la iathuh ba ki don ki jingkhein kiba la dep ban phah sha ka sorkar, hynrei ki don ruh kiba ka jingshim jingkhein ka dang iaid sha khmat mynta ban ioh ia ka jingkhein katno ka jingjulor kala ktah ha ka jingpynjulor ka mariang.
La iathuh kumba ka long ka West Jiantia Hills kala shah ktah ha sor Jowai bad ha ki nongkyndong. Kumba ka long mynta ka jingkhein ha kaba ia dei bad ka jingshah pynjulor ha ka mariang kum ka ia rep ka riang, ki surok ba dei peit da ka PWD, ka tnad pynneh um bad kiwei de.
U DC u la ong ba ia mynta ym pat lah ban ai ia ka jingkhein kaba pura katno ka jingjulor kaba la shah ktah hapoh ka District baroh kawei namar ka jingkhein ka dang iaid bad ki don kiba la dep ban phah sha ka sorkar ruh hynrei ka ka jingkhein phainal ym pat lah ban ai ia mynta.
