Shillong, Naitung 06: Ki briew kiba shong hapoh jong ka shnong Mustoh kaba hap hapoh jong ka Sohra Civil Sub Division kila ioh kem pang bad haduh mynta ka sngi kiba shitom kila poi sha ka 50 ngut.
U Director ka tnad ka koit ka khiah u Dr Aman War u la iathuh ba ka don ka jingsuba ba ka lah ban dei na ka um, na ka liang jong ka tnad ka koit ka khiah ki dang phah tohkit mynta ha kaba ia dei bad kane ka jingshitom jong ki briew hapoh katei ka shnong.
La iathuh ba kane ka jingshitom jong ki briew hapoh katei ka shnong kala sdang ha kine ki sngi bad haduh mynta ka sngi la ioh jingtip ba kila kot sha ka 50 ngut. Na ka liang jong ka tnad ka koit ka khiah ki dang peitnor bah ia kane bad mynta ki dang ap ia ka kaiphot ban lap ia ka daw jong ka jingshitom ki briew hapoh katei ka shnong.
