Shillong, Nohprah 14: ka ophis jong u Shnongknor ka iing dorbar thawain jong ka jylla kala buh ba ia ka jingiashong dorbar ba kyrpang kan long ha ka sngi palei ka 19/12/2019 ban ia kren halor ka Inner Line Permit.
Ia ka jingpynbna sorkar halor kane ka dorbar ba kyrpang yn sa pynmih ha ka sngi nyngkong ka 16/12/2019. Ia kane ka dorbar ba kyrpang la khot ban ia kren tang ia kawei ka mat kata ka long halor ka ILP.
U Commissioner bad Secretary jong ka Meghalaya Legislative Assembly u Dr Andrew Saimon haba kren ha u SP News Agency u la ong “Hooid ka dei ka jingshisha ba la buh ban pynlong ia ka dorbar ba kyrpang ha ka 19/12/2019 bad ia ka jingpynbna sorkar yn pynmih ha ka 16/12/2019 la sngi nyngkong.”
