Ka jingsngap paidbah kawei na ki kyndon ban leh shuwa ban shim jaka ki kompeni: Lahkmen

Shillong, Risaw 28: U Myntri ka tnad khlaw jong ka sorkar jylla u bah Lahkmen Rymbui u la ong haba ia dei bad ki kam kiba heh ka sorkar pdeng kala buh bun ki kyndon ban pyndep shuwa ban shim jaka bad ka “Public Hearing” ka jingsngap paidbah kadei kawei na ki kyndon.

Haba kren ha ki lad pathai khubor mynta ka sngi ha kamra trei kam na ka liang jong u myntri ba dei peit ia ka tnad khlaw, haba ia dei bad ka jingpyrshah jong ki paidbah ia ka jingkwah ban shim jaka shuh jong ka Star Cement ha Brichyrnot u myntri u la ong ba hap ban leh katkum ki rule.

Halor ka jingkam jong kiba pyrshah ia ka jingsngap paidbah la ong ba ia kata na ka liang jong u myntri ym da tip bha bad haduh katno katta ka long ruh ym da shai bha, hynrei kaei kaba u myntri u la kren shai ka long ba lada ka jingshim jaka kan long hapoh jong ka “Eco Sensitive Zone” yn nym shah.

Na ka liang jong u mytnri u la ong ruh ba lada ka hap sha bar jong ka “Eco Sensitive Zone” pat ia kata ka sorkar kan nym lah ban khang, haba ia dei bad ka jingkam ba kan ktah ia ki kren bad ia ki wah kata ym pat ioh jingtip.

Lah ban pynkynmaw ba ki paidbah jong kathain Brichyrnot ha ka 19 tarik mynta u bnai kaba la buh ban pynlong ia ka jingsngap paidbah halor ka jingkwah shim jaka shuh jong ka Star Cement ki paidbah kila mih bad pyrshah ha kaba kane ka jingialang kaba la buh kala pulom ha katei ka sngi.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet