Shillong, Naitung 07: Ka jingialang jong ka seng Meghalaya Transport Corporation Workers Union (MTWU) kaba la long ha ka sngi palei kala shim ia ka rai ba kin dang iai beteng ia kane ka jingiakhih kaba khlem buh por ka jong ki wat lada u Managing Director ba thymmai un wan ban shimti ruh.
Ha ka kyrwoh kaba la bah da u Bah K Rumnong General Secretary jong ka Union u la ong ba kin dang iai betng beit ia kane ka jingiakhih ka jong ki. Na ka liang jong ka seng ka dawa ba dei ban pynneh ia ka kong A Nikhla kum ka MD hapoh jong katei ka MTC.
Na kaliang jong u Bah Tining Dkhar u ba bat ia ka kam Commissioner bad Secretary jong ka Transport Department u la ong ba na ka liang jong ka department kala dep ban pynmih ia ka jingpynbna sorkar ba la pynkynriah ia ka MD jong ka MTC bad ha ja jaka jong ka la thung da u wei pat.
