Shillong, Jylliew 15: U Director ka tnad ka koit ka khiah u Dr Aman War u la iathuh ba ka jingtest COVID-19 ia ki paidbah nongshong shnong ha khappud bad ka Bangladesh kala sdang bad mynta ka dang iaid kane ka jingtest.
Ha kane ka jingtest COVID-19 ia ki nongshong shnong ha khappud bad ka Bangladesh la pyndon kam da ki Rapit Test Kits bad ia kane la sdang na ka shnong Ryngkut kaba hap hapoh jong ka Mawsynram Block bad baroh kila la test ki long Negative.
Kane jingtest kan long tang ha kito ki shnong kiba don kam jingiarung ia mih jong ki briew bad ka tnad ka koit ka khiah mynta kan sa phah sa sha Tamabil ha kaba kala don ka jingkynnoh ba ki don ki briew ha khappud sha Bangladesh ki ioh ia ka jingpang COVID-19.
Haba ia dei bad ka jingtest ia ki briew jong ka jylla baroh ha kaba ia dei bad ka COVID-19 haduh mynta ka sngi ka long 14147 ngut, kiba la test Negative ki long 13303 bad ka resolt kaba dang ap ka long 800 tylli.
