Shillong, Naitung 20: U Myntri rangbah ka jylla u Dr Mukul Sangma ha ka jingkren ka jong u ha kaba plie ia ka Mawlai C&RD Block u la ong ba kane baroh ka dei ka jingiatrei shitom lang da kaba roh ia kaba la lah ban pynurlong ia ka jingangnud jong ki paidbah mynta ka sngi. Kaneka long kum u wei u mawjam na ka bynta ban pynjan ia ka roi ka par sha ki paidbah.
U Myntri rangbah u la ong ba ka long kaba don kam ban peit bniah ia ka jingdon jong ki block bad ban phiah ia ki ban weng ia ka jingeh ha kaba ia dei bad ka rukom pyntrei kam ia ki kam pynroi, kane ka jingplie ia kane ka Mawlai Block mynta ka sngi ka long ka jingsdang bad kane kan long ka jingkieng ia ki paidbah bad ki skhim jong ka sorkar kaba ka don ban pyntrei na ka bynta jong ki paidbah.
Ia kane ka jaka kaba don lai akar dei ban pyndon kam ha kata ka rukom ban shna ia ka ophis ban pynitynnad katkum ka jinglong jong ka jaka bad ai ba kane ka Block ka long ka jaka ai jinghikai ia ki samla ha ki liang jong ki kam pynroi baroh. Ha kane ka sngi u myntri rangbah u la ong ba ka jylla kala dang kiew ha kiba bun ki liang baroh.
La ong ba don kam ia ka jingiatreilang da baroh ban peit ba ki paidbah kin dei ban shah ieh bein ha ki liang baroh, baroh ki paidbah ki dei ban ioh bynta ha ki kam pynroi bad ki don ki ain ban iada ha ka hok jong ki paidbah. Ha kane ka sngi u myntri rangbah u la ai ia ka work order kaba nyngkong na kane ka Block kaba shong dor T.25 lak sha u rangbah shnong ka Mawtawar.
Ha kane ka sngi kiba la kren ha kane ka jingialang ki long u MLA jong ka Mawlai u Bah Embhalang Syiemlieh, u MDC u bah Process T Sawkmie, kong Roshan Warjri myntri ka koit ka khiah, myntri kam pynroi sor u Bah RV Lyngdoh, u MLA ka Pynthorumkhrah u Bah AL Hek ruh u la don lang bad u MLA ka Nongthymmai u Dr Jemino Mawthoh, ka IR Sangma Director C&RD bad u DC U Bah PS Dkhar.
