Ka jingthaw ia ki District thymmai kala wanrah bun ki jingkylla ha ka jylla: Dr Mukul

Dr Mukul sangma addresses the gathering.Shillong, Nailar 07: U myntri rangbah jong ka jylla u Dr Mukul Sangma mynta ka sngi ha ba ia shim bynta ha ka jingrakhe ia ka jingdap san snem jong ka South West Garo Hills District, ha Ampati, u la ong ba ka jingthaw ia ki District thymmai kala wan rah bun ki jingkylla ha ka roi ka par ha ka jylla. U la ong ba baroh ki District kiba la thaw ha u snem 2012 ki ioh ia ka jingpeit kaba kyrpang na ka sorkar ban ia long ka juh ha ka roi ka par.

U myntri rangbah u la ong ba ka sorkar kala pynkhreh ia ki skhim bapher bapher na ka bynta ki paidbah ka jylla, da kaba wanrah ia kit and trei kam jong ka sorkar kham jan sha ki paidbah, ka long ban iohi ba ki kam pynroi kiba ka sorkar ka leh ki dei ban long kiba hun ia ki paidbah. U la ong wat ha dien 45 snem ba ka jylla kala ioh ia la ka  jong ka jylla don don bun byllai ki shnong kiba hap ban iaid kjat 4 haduh 5 kynta ba kin poi sha ki iew ki hat lane sha ki Block.

U myntri rangbah u la ong ba dang shibun ki kam kiba hap ban leh na ka bynta ka jylla, u myntri rangbah u kubur ia ka jingdon ki surok kiba sniew, la ong ba don kam ban buh ia ki skhim jong ka sorkar kiba lah ban poi sha ki paidbah kiba duk ba rangli bad u la ong ba kam dei ban don kano kano ka lynti ban nym ia burom mar kylliang lane ka jingiasngewpher jaidkynja.  Ka sorkar kala pyniatylli ia baroh ki jaidbriew na ka bynta ban kyntiew ia ka roi ka par.

U myntri rangbah u la ong ba ka jingdon ki kam lehnoh kala buh ia ka jingeh kaba khraw ia ka sorkar ha kaba pyntrei kam ia ki kam pynroi ha ki lum Garo hynrei ka sorkar da ka jingkut jingmut kala lah ban wanrah biang ia ka jingsuk bad ka jingshngian ha ka imlang sah lang, la day m shym la shna ia kine ki District kiba thymmai leh se mynta ki dang hap ban ia khun pyrshah ia ki lehnoh. U myntri rangbah u la ban jur ban thaw ia ki lad ki lynti ha ka liang ka ioh kam ioh jam.

Kiba la ia don lang ha kane ka sngi ki long u CEM jong ka GHADC u Bostone Marak, u Sports bad  Youth Affairs Minister Mr Zenith Sangma, Government Chief Whip W.D. Sangma bad ka  Chairperson, Meghalaya Resource bad  Employment Generation Council, ka Dikkanchi D. Shira, Chokpot MLA bad ka  Chairperson State Development Reforms Commission ka Bluebell R. Sangma, Deputy CEM Wenison Ch Marak lem bad kiwei kiwei ki heh sorkar.

What Next?

Recent Articles

Leave a Reply

Submit Comment
*