Ka jingthung ia ki dieng “Bonsai” la sdang nyngkong ha ri Egypt: Brian

Shillong, Nailur 25: Ka Shillong Bnonsai Society mynta ka kynti ruh kala beteng biang ia ka jingpyninam ia ki dieng lyngkot “Bonsai Tree” ia kaba la thung bad sumar kyrpang da ki briew kiba ieit ban buh ia ki dieng ha ki iing ki sem jongki, ia kane ka jingpyninam la pynlong ha All Saint Hall Shillong.

Haba ia kren bad ki lad pathai khubor ha katei ka jaka pyinam ia ki dieng kiba la sumar kyrpang, u Bah Brian D.Kharpran Daly u ba dei u wei na ki dkhot jong kane kynhun u la iathuh ba dei ha u snem 1993 kane ka rukom pyrkhat ban don noh ia ka kynhun ban pynshlur ia kiwei dei ban thung ia kine dieng.

La iathuh ha ba sdang la don u Dr Sandi Syiem, u Colonel Laloo ban pynlong ia kane ka Shillong Bonsai Society bad dei ha u snem 1994 kila sdang ia kane ka jingpyninam bad kala iaid beit haduh mynta bad katba dang mih ki sngi kila dang bun kiba wan ban ia shim bynta. Kane ka kren shai ba kila bun ki briew kiba ieit ban thung ia kine dieng lyngkot.

La iathuh ba katkum ka jingtip ha kaba ia dei bad kane ka jingthung ia ki dieng lyngkot la sdang ha ri Egypt, kala poi sha ri China bad kaba la kham pynbha dei ka ri Japan ha kaba ki don ki dieng kiba la kot sha ka sanspah snem ruh ha katei ka ri. Ki phareng kila iohi ia kane ha ka thma bah ba nyngkong bad kila rah sha Bilat bad ka but sha ka ri America.

Ha India ki jaka ba don ia ka jingthung dieng lyngkot “Bonsai” ka don ha Mumbai, Delhi, Kolkatta, Bangalaru bad ha Shillong, hynrei kaba kham biang eh bad kiba ia ryngkat dor bad kiwei ki ri jong ka pyrthei dei ki dieng lyngkot “Bonsai” ha Shillong.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet