Ka jingtlot ki iing bishar ha ki hima, ki shnong dei ba don ki khlieh nongsynshar ba shipor: CEM

Shillong, Lber 01: U Chief executive member jong ka KHADC, u bah Titosstarwell Chyne haba jubab ia ka jingkylla bala wanrah da u bah Lamphrang Blah ha kaba ia dei bad ki iing bishar ha ki hima bad ki shnong, ia kiba la tip kum ki additional subordinate court bad village court ba kine ki iing bishar ki dang trei kam haduh mynta mynneh.

Haba jubab ia ki jingkylli bynrap, na ka liang jong u CEM jong ka KHADC, u la ong ba ym lah ban len ba ka jingtlot jong kine ki iing bishar ka dei namar ba bun sien ki hima ki don ia ki khlieh nongsynshar ba shipor bad kine ki nongkhlieh nongsynshar ba shipor kim shim khia ia kane ka kam.

Kane ka EC kaba mynta ka shim khia ban peit ba ki hima baroh kin ioh ia ki nongsynshar bapura, kumba ka long ia kaei kaba kum u CEM u tip, ka long ba ka iing bishar hapoh jong ka Shella Confederacy kam shym la trei kam naduh u snem 2012 kane ka long ka nuksa.

Haba ia dei bad ka jingong u bah PN Syiem ba dei ban ai jinghikai ia ki khlieh nongsynshar halor kane ka bynta na ka liang jong u CEM u la ong ba ka EC kan sa peit ban leh ia kaba don kam.

U bah Jambor War EM ba dei peit ia ki kam elaka haba jubab ia ka jingkylli u bah Lamphrang Blah la ong ba ha kaba ia dei bad ka jingiakjia pud ha pdeng ka hima Mawsynram bad ka bad hima Nonglwai kane ka kam ka don hapoh jong ka iing bishar “tribunal”.

What Next?

Recent Articles

Leave a Reply

Submit Comment

*