ka jingweng ia ka AFSA na Meghalaya, Arunachal dei bala wanbiang ka jingshong suk: Rajnath

Shillong, Naitung 09: U MyntRajnath Singhri kam poh iing jong ka sorkar pdeng u Rajnath Singh ha ka jingkren ka jong u ha ka jingialang kaba 76th jong ka North Eastern Council mynta ka sngi ha Shillong, u la kyntu ia baroh ki jylla ka dong shatei lam mih ngi jong ka Ri India bad ia ka NEC ba ki dei ban pyndep ia ki jingtrei ha ka por kaba la buh. Baroh ki skhim kiba la dep ban pdiang ki long T.4,500 klur.

Ha kane ka jingialang u la ong ba ka jingjurip jong ka IIM Shillong, la shem ba bun ka pisa kaba don ha ki sorkar jylla ki sah khlem pat pyndon kam, kane ka jingbym lah ban pynlut ia ka pisa ha ka por kaba biang kala buh jingeh ha kaba pyntrei kam ia ki skhim jong ka NEC.  U la ong dei ban pynlut noh da kaba pyndep noh ia ki skhim kiba la sateng mynta khnang bay n lah ban leit sha ka tnad pla pisa jong ka sorkar pdeng ban pan pisa shuh.

U myntri ka sorkar pdeng u la ong ba ki seng trei mon sngewbha ha kane ka thain ki long kiba khlain bha ha kaba lah ban pyndon kam ia ki ha kaba ia treilang na ka bynta ban kyntiew ia ka roi ka par jong kane ka dong bad ka thain baroh kawei. Ka jingiasnoh kti lang ka jong ki seng trei mon sngewbha ka long kaba don ban long kiba peitngor ha kaba pyntrei ia ki kam pynroi.

Haba phai sha ka jingshong suk shongsain u myntri kam poh iing u la ong ba ka dong shatei lam mih ngi jong ka Ri India kala kham bit kham biang bad ka jingwan jong ki nongjngohkai pyrthei kala nangkiew bad ka sorkar mynta kan kham pynlet jingmut ha kaba pynkhlian ia ki lad jingiada. Mynta ka jingjia ba sngewsih la ka long ha pdeng ki shipai bad ki paidbah ruh kala hiar da 96 percent.

U myntri kam poh iing ka sorkar pdeng u la ong ba mynta ka jylla, Tripura bad Mizoram kila lait na ki kam lehnoh bad ha kiwei kiwei ki jylla ruh kala hiar dei na kane ka daw kaba la pynlong ia ka sorkar pdeng ban weng noh ia ka AFSA  na ka jylla Meghalaya bad Arunachal Pradesh.

 

Na ka bynta ban kyntiew ia ka ioh ka kot ha kane ka thain u myntri kam poh iing la ong ba don kam ban don ia ki jingpynkhreh ia ki skhim kiba lah ban leh noh bad ia kiba hap ban leh wat lade ki long kiba shim por. U la ong ba la don shibun ki kaiphot ha kaba ia dei bad ki jingwad bniah kumno ban kyntiew ia ka NE.

U myntri ka sorkar pdeng u la kyntu ia ki jylla jong kane ka thain ba kin wad ki lad ki lynti kumno ba ki briew kin kham suk ha kaba wan ban bei tyngka ha kane ka thain. U la ong ba ka sorkar pdeng dang shen kala plie ia kawei ka skhim ia kaba la tip kum ka North East Venture Capital Fund lyngba jong ka  North Eastern Development Finance Corporation Limited (NEDFi) ha kaba la buh ia ka pisa T.100 klur kum ka jingsdang ia ka kam, ha kaba ki briew kane ka thain ki lah ban sdang ia ki kam jong ki kum ha ki kam jngohkai pyrthei bad kiwei kiwei ki jaid kam kabaki kwah.

U Myntri khynnah jong ka sorkar pdeng ba dei peit ia ka DoNER u Dr Jitendra Singh, u ba dei ruh u Vice-Chairman jong ka NEC u la batai ia ka jingtrei kam jong ka NEC bad ki jingkylla kiba la wanrah na ka por sha ka por. U la ong ba ka sorkar pdeng ka kham shim khia ia ki surok kiba lah ban pyniasoh hapdeng ki ar tylli ki jylla ia kaba ym la lah ban shim khia da kano kano ka jylla.

Kiwei kiba la kren ha kane ka jingialang ki long u Lat jong ka jylla Assam, Nagaland, Manipur, Sikkim, Mizoram, Meghalaya, Arunachal Pradesh bad ki hynriew ngut ki myntri rangbah kane ka thain shatei lam mih ngi jong ka Ri India, bad kita ki long jong ka Meghalaya, Assam, Tripura, Arunachal Pradesh, Mizoram bad  Nagaland. Ha kane ka sngi  heh sorkar jong ka DoNER bad ka NEC ruh kila ia don lang.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet