Shillong, Nohprah 29: ka jingpynlip bor ding eleltrik jong ka MePDCL mynta u bnai Nohprah ha Shillong ka long naduh ka por 9.00 baje haduh 11.00 mynstep man la ka sngi bad sha ki nongkyndong kiba bun ki shnong ki long naduh 9.00 baje mynstep haduh ka por 4.00 baje jan miet.
Kane ka jingpynlip ding eleltrik jong ka MePDCL ka long na ka daw ba ka jingweng shipor ban ai bor ding eleltrik na ka NEEPCO sha ka MePDCL kala kut ha u Naiwieng bad ka MePDCL kam ioh shuh ia ka bor ding na ka NEEPCO kumba la mang ban ai sha ka jylla Meghalaya lyngba ka MePDCL.
Na ka shithi kaba ka NEEPCO kala thoh sha u Chairman u ba dei ruh u managing Director jong ka MeECL bad MePDCL ha ka 31.05.2019 kala kren shai ba kane ka jingweng kan long shipor na ka bynta hynriew bnai bad kane ka hynriew bnai kala kut.
Haba la kylli na ka PRO jong ka NEEPCO halor kane ka jinglip light hato ka dei shisha ne em ba ka MeECL la pynsah bun palat ka bai ding eleltrik na ka liang jong ka PRO kala ong ba ia mynta ym lah ban ong shisha ka dei katno namar ka mynta ki dang don ha pdeng ka shuti yn nym lah ban shu ong kumto.
