Ka jylla Meghalaya ka don ia ki samla kiba don shibun ki sap ki phong, ong PM : Modi

Shillong, K.Lyngkot 21: U Myntri Rangbah duh ka Ri India u Narendra Modi haba kren ai khublei ia ka jingdap 50 snem ka jylla Meghalaya U la ai jingiaraoh ia baroh kiba laiadonkti  ha ka roi ka par jong ka jylla.

Ha ka jingkren jong u, u Modi u la pynkynmaw ia ka por ba u la wan nyngkong sha Shillong ban ia shim bynta ha ka jingialang jong ka North Eastern Council hadien ba u la long u Myntri Rangbah Duh jong ka ri. Kane ka dei ka sien ba nyngkong ba unouno u Myntri Rangbah Duh un wan iuhkjat ha kane ka jylla hadien 30 ne 40 snem.

U la ai jingiarohia ki briew jong ka jylla kiba pynkhlain shuh shuh ia ka nam jong ki kum ki briew kiba donka jingiadei kaba jan bad ka mariang. “Ka Meghalaya ka la ai ka khubor sha kylleng ka pyrthei shaphang ka mariang, ka roi ka par, ka jingtyngkai ia ki jingdon jingem bad ka jinglah kyrshan ia ka mariang,” la ong u Modi.

Da kaba kdew ia ka shnong Kongthong kaba don ka dustur ban khot kyrteng da kaba siaw, bad ki kynhun rwai ha man ka shnong, u Myntri Rangbah Duh jong ka ri u la iaroh ia ka jingnoh synniang jong ka jylla ha ki kam saindur bad ka put ka tem.

U la ong ba kane ka jylla ka dap da ki briew kiba don sap bad ba ka Shillong Chamber Choir ka la kyntiew shuh shuh ia kane sha ki kliar ba thymmai. U la ong ruh ba ka ri ka dap da ka jingkyrmen ha kaba iadei bad ki nongialehkai na Meghalaya.

U Myntri Rangbah Duh u la ong ruh ba ka jylla ka nang kham pawnam ha ki kam rep organic. “Ki longkmie na Meghalaya ki la pynkhie im biang ia ka jingthainsiej bad ki nongrep ba trei shitom ki dang pynkhlain shuh shuh ia ka nam jong ka Meghalaya kum ka jylla kaba khlain ha ki kam rep organic,” u la ong.

U Myntri Rangbah Duh u la ban biang sashisien halor ka jingkut jingmut jong ka Sorkar ban wanrah ia ki surok kiba bha, ki rel bad ki liengsuin. U la ong ba ki don ki sienjam ban pynthikna ba ki don lad sha ki iew ha ka ri bad shabar ri na ka bynta ki mar rep organic na ka jylla.

Ka Sorkar ka la leh ia kaba donkam ban wanrah ia ki skhim jong ka Sorkar Pdeng sha ki briew. Ki skhim kum ka PM GraminSadakYojnabad National Livelihood Mission ki la iarap bha ia ka Meghalaya. Mynta, ka JalJeevan Mission ka la wanrah ia ka um kor sha 33% ki iing katba kane ka long tang 1% ha u snem 2019.

Ka Meghalaya ka dei kawei na ki jylla kiba pyndonkam nyngkong duh ia ki drone ban pynpoi ia ki dawai tika, la ong u Myntri Rangbah Duh. U Myntri Rangbah Duh u la kularia ki briew jong ka Meghalaya ba un dang iaikyrshan ia ki bad u la ong ruh ba ka don ka jingkut jingmut ban kyntiew ia kiwei kiwei ki kam kiba lait na ki kam jngohkai bad ki kam rep organic.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet