Shillong, Jymmang 22: U Myntri Rangba ka jylla u Conrad K Sangma haba jubab ia ka jingkylli kaba la wan rah da u Bah Syntar Klas Sunn ha kaba ia dei bad ka jingker ksanar shiah ha khappud ka jylla Meghalaya bad Bangladesh, u la iathuh ba ka jingiapynbeit pud ha pdeng ka Ri India bad ka Bangladesh ha u snem 2015 ka jylla Meghalaya kala ioh 1.43 km.
Haba jubab ia ka kam pud ha pdeng ha ki bynta jong ka jylla Meghalaya bad ka Bangladesh u myntri rangbah ka jylla u Cornad u la ong ba kane ka long naduh u snem 1947 bad ha kane ka jingiapynbeit bud ki don ar tylli ki jaka jong ka Bangladesh ha India bad ka India ka don 11 tylli ki jaka sha poh Bangladesh.
Ha kane ka jinglong ki jaka ki don hynniew tylli ki shnong kiba hap hapoh Jiantia Hills District. Kane ka jingiapynbeit pud ha pdeng ka India bad ka Bangladesh kala wan biang ha u snem 1974 bad ha u snem 2010 kala don ka jingiasoi soskular hapdeng kine kine ki ar tylli ki Ri bad ha u snem 2011 kala don ka jingwanrah ia ka jingpynkylla ha ka Riti synshar jong kine ki Ri dei ha u snem 2015 la lah ban ia pynbeit.
Haba jubab ia ki jingkylli bynrap na ka liang jong u Myntri Rangba, haba ia dei bad ka Pyrdiwah u la ong ba kane ka shnong ka hap hapoh jong ka Ri India, haba ia dei bad ka jingker ksainar shiah, la ong ba katkum ka jingpynkylla ia ka riti synshar la shah ha ki katto katne ki bynta ban ker ksiarnar shiah na khappud, hynrei ka jingker ksainar shiah ka iapher na kawei ka jaka sha kawei pat.
Haba ia dei bad ka jingsiew ia kabai khyndew ha Garo Hills kaba dang sah na ka daw jong ka jingwan ka ain shim khyndew kaba thymmai u myntri rangbah u la iathuh ba ka pisa kaba sah ka long T.51.98 klur bad ka sorkar kala dep ban thoh sha ka NBCC ha kaba ia dei bad kane ka jingsiew ia ki jaka ba la shim ban ker ksainar shiah bad ka jingsiew ka iapher na kawei ka jaka sha kawei pat.
