Shillong, Nohprah 04: U Myntri rangbah ka jylla Meghalaya u Conrad K Sangma ha ka jingialang ban sam ia ka jingiarap sha ki nongrep kiba don ha thain Upper Shillong ha Laimer la ong ba ki don 4.5 lak tylli ki long iing hapoh ka jylla kiba im na ka rep ka riang.
U Myntri Rangbah ka jylla la ong ba kane ka jingiarap kaba ka sorkar ka ai ia kane ka jingiarap ban kyntiew ia ki nongrep ha kane ka jylla, ka phang kaba ha khmat eh kaba ka sorkar ka don ka long ban ia rap bad ban kyntiew ia ki nongrep.
U Myntri Rangbah la ong ba ka sorkar kan pynlut T.400 klur ban kyntiew ia ki kam pynroi sha ki nongkyndong, u myntri rangbah ka jylla u la kyntu ia kiba ioh ia kane ka jigniarap ba kin pyndon ia ka pisa ban pynkhlain shuh shuh ia ka rep ka riang.
Haba phai sha ki samla u myntri rangbah kajylla la ong ba ka sorkar kala sdang ia ka skhim YES ban iarap ia ki ba kin kiew ha ka sap ka phong kaba ki don bad kum juh ha ka kam ri jingri da kaba ai ia ka kard ban ithuh ia kiba la ioh ia ka jingmyntoi, ha katei ka sngi la don lang ruh u bah Hamletson Dohling MLA bad myntri ka sorkar jylla.
