Ka jylla Meghalaya kadei kaba 21 ha Ri India ha ka por ba ioh jylla ba pura: Prestone

Shillong, K.Lyngkot 21: U Symbut Myntri Rangbah ka jylla u bah Prestone Tynsong haba kren ha ka jingplie ia ka jingrakhe ia ka jingdap 50 snem ka jylla ha JN Stadium ha Polo la ong ba ha ka por ba ka jylla Meghalaya ka ioh ia ka jylla ba pura la ong ba ka ei ka jylla kaba 21 hapoh ka Ri India.

Haba kren ha kane ka jingrakhe ia ka jingdap 50 snem ka jylla u bah Prestone u la ai khublei ia ki paidbah ka jylla Meghalaya ha kane ka jingrakhe ia kane ka sngi sah kynmaw jong ka jylla dei ha kum kane ka sngi ba ka myntri rangbah duh jong ka Ri India ka Indira Gandhi kala pynbna ia ka jylla ba pura ha kum kane ka sngi ha 21/01/1972.

U Bah Prestone u la pynkynmaw ba 50 snem mynshuwa ha kum kane ka sngi ba ka Indira Gandhi myntri rangbah duh ka Ri India,ha ka jingiadon lang u Myntri Rangbah ba nyngkong ka jylla u Captain W A Sangma, u Prof G G Swel bam kwai ha dwar u blei ban ai jingkren sha ki paidbah kane ka jylla.

Ha ka jingiakhih 50 snem mynshuwa la pynsawa ba khlem da ioh ia ka Hills State kin nym shong thait, ka jingiaibteng ki nongialam ha kato ka por ban ia khih ban ioh ia ka jylla ka long ban pynthikna ban ioh ia ka jingiada kaba kyrpang ia ki rit paid, u Khasi Garo bad Jaintia ha ka kyrteng Meghalaya kaba ki don mynta.

U Symbut Myntri Rangbah ka jylla u pynpaw ia ka jingsngewnguh sha baroh ki seng, ki seng sain pyrthei kiba ha kato ka por kiba la trei bor bah ban pynioh ia ka jylla ba pura kum ka, Khasi National Dorbar, ka Federation Khasi State, East India Tribal Union, ka Garo National Conference, ka Khasi Jaintia Federated State, ka Hills State people Democratic Party bad ka All Party Hills Leaders Confrence.

U bah Prestone u la ong ba haba rung sha kane ka jingdap 50 snem ka jylla, ka jylla kaba I tynnad, ka jylla kaba don shibun ki marpoh khyndew, ka jingdon ia ki briew kiba stad bad kiba shemphang, kane ka jingdap 50 snem ka long kaba don kam namar ka jylla kala kiew ha kiba bun ki liang.

U Myntri rangbah ka jylla ym shym la don lang ha kane ka jingrakhe namar ba u hap ban bud ia ki kyndon jong ka COVID-29 namar ba u dang wan na Delhi ban ia kynduh ia u mytnri kam poh iing ka Ri India, ha kane ka sngi u myntri rangbah ka jylla u Cornad K Sangma u long u kongsan kane ka jingrakhe ia ka jingdap 50 snem ka jylla.

Ha kane ka sngi la plie ia u mawnongrim  jong ka “New Administrative Township”  da Symbut Myntri Rangbah ka jylla, ia ka Emblem jong ka jylla la plie da u Lamphang ka iing dorbar ka jylla u bah Metbah Lyngdoh, H akane ka sngi la air uh ia ka khusnam sha ki nongioh ia ka Meghalaya Day, 2022.

Kiwei kiba la don lang ha kane ka sngi ki long u nongialam ka liang pyrshah u Dr. Mukul Sangma u MP Rajya Sabha MP, Dr. W. R Kharlukhi, ki myntri cabinet, ki MDC, ka Chief Secretary jogn ka jylla kong RV Suchiang ki heh sorkar bad ki riew paw khmat jong ka jylla.

Ha kane ka sngi la pynlait paidbah ruh ia ka kot kaba la ai kyrteng ka . ‘Statehood Movement’ kaba la wan ban pynwandur da ka tnad Directorate of Information bad Public Relations, Meghalaya.

Ha kane ka sngi la don ruh ki jingialehkai bad ki jingrwai, kiba la ioh ia ka Meghalaya Day Award ki long u bah Benedict Skhemlang Hynniewta jong ka “U Tirot Singh Award” ba dei na ka tnad dro dur bad thoh, u Phadar Charles Ch Sangma la ioh ia ka Pa Togan Sangma Award ba dei ia ka jingsahkri ia ki paidbah, u bah Halen Nongtdu U Kiang Nangbah Award ba dei na ki kam ialehkai.

U Symbut myntri rangbah ka jylla ha kane ka sngi u la khang ia synduk kaba la ai kyrteng  “ the Memory Crate” bad ia kane ka synduh yn sap lie da ka jylla Meghalaya kan rakhe ia ka jingdap 100 snem ha u 2072 bad la pynkut da ka jingkren ai khublei na ka Chief Secretary kong RV Suchiang bad da ki jingrwai na ka Shillong Chamber Choir.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet