Ka Meghalaya mynta kala don ha ka map ba don lynti rel da ka jingplie Mendipathar railway station

New Delhi, Jylliew 23: Ka Ministry ba dei peit ia ki kam lynti rel jong ka Ri India kala shim khia ban pynbha ia ki lynti rel bad ban shna thymmai ha kane ka dong shatei lam mih ngi jong ka Ri India lyngba ka Northeast Frontier Railway kaba dei peit ia ki phra tylli ki jylla ha kane ka thain shatei lam mih ngi, ka jylla Assam, Arunachal Pradesh, Nagaland, Manipur, Mizoram, Tripura, Meghalaya bad Sikkim. Na kine ki phra tylli ki jylla ka jingdon jong ka lynti rel ka long tang ha ki hynniew tylli ki jylla bad na ka bynta ka jylla Sikkim ia kaba la tip kum ka Sivok-Rangpo kaba 44 km mynta la dep ban mang pisa.

Baroh ki lynti rel kiba lah ban iaid tang shilynti mynta la lah ban pynkylla sha ka lynti iaid jong ar tylli ki rel kaba leit bad kaba wan, ha kine ki lai snem la shan byn tylli ha kane ka dong shatei lam mih ngi jong ka Ri India. La shna ia ka lynti rel Naharlagun kaba la jan poi ha ka nongbah jong ka jylla Arunachal Pradesh ka  Itanagar. Ki bynta ba shaneng jong ka Baramaputra la pyniasoh da ka lynti rel.

Ka jylla Meghalaya ruh mynta kala don ha ka map jong ka lynti rel jong ka Ri India, ha dien ba la pli ia ka lynti rel ha Garo Hills ia kaba la tip kum ka Dudhnoi-Mendipathar railway line. Ki wei ki jaka kum ka Agartala kaba dei ka nongbah jong ka jylla Tripura, ka jylla Manipur ruh la pyniasoh da ka lynti reh ha duh Kathakal – Bhairabi bad ka jylla Mizrom ruh kan sa wan ha ka map lynti rel jong ka Ri.

Kumba ka long mynta la pyniaid 29 tylli ki rel thymmai sha kane ka dong shatei lam mih ngi jong ka Ri India. La mang ruh ban shna thymmai 20 tylli ki lynti rel bad ka jinglut kan long haduh T. 43771 klur bad ki jingtrei ki la iaid sha khmat bad 18 tylli ki lynti rel ba thymmai mynta dang jurip.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet