Shillong, Naitung 01: Mynta ka sngi u symbut myntri rangbah ka jylla u bah Prestone Tynsong u la khot ia ki nongialam jong ka Federation All School Teachers of Meghalaya (FASTOM) ban ia kren halor ka jingdawa ka jong ki kiba dei ki nonghikai na ki skul Adhoc ba kane ka jingiakren kam shym la poi sha kano kano ka jingiasngewthuh.
U Bah Mayborn Lyngdoh nongalam ka FASTOM haba kren ha ki lat pathai khubor ha dien ba kila ia kynduh ia u symbut myntri rangbah ka jylla u bah Prestone Tynsong la ong ba ha ka jingiakynduh ba du myntri ba dei peit ia ka tnad pule la ong ba ia ki jingdawa jong ki yn sa ai shem ia ka jingmynjur bad kane ka kyntien shen kim tip lano kan long.
Ha kane ka jingiakynduh bad u symbut mynta rangbah mynta ka sngi kila sngewthuh shai ba kin rah ia kane ka jingdawa jong ki ha kawei pat ka jingialang jong ka kabinet, u symbut myntri rangbah u la iathuh ba ha ka jingialang ka kabinet kila ia kren ia kane ka jingdawa ki nonghikai hynrei bym don u myntri ba dei peit ia ka tnad pule kim shym la shim rai, ia kane kin ia kren ha kawei pat ka jingialang ka kabinet.
Ha kane ka jingiakren kila kylli hato ioh don ka jingpynslem shuh, na ka liang u symbut myntri rangbah la ong ba ka dei ka jingshisha ha kane kaba la dep kila don ka jingpynslem hynrei na ka liang jong ka sorkar kala bat ia ka kular kumba kila kular hynrei ka jingeh ka long ba ka jingpynslem ka dei, hynrei kim shym la ia kren namar ba pep jingialang u myntri ka tnad pule puthi kila ia kren hapoh ka kabinet hynrei namar ba um don kim lah ban pdiang.
Haba ia dei bad ka jingthung kam ia kata la leh hapdeng ka Managing Committee bad ka sorkar bad la thung ia ki, ki nonghikai kim dei ki dkhot jong ka MC ia ka kam thung nonghikia dei ka sorkar bad ki MC kin ia kren ia kata, kaei kaba u symbut mytri rangbah ka jylla u la kren ka dei hapdeng ka sorkar bad ki MC.
Kum ki nongtrei kila soi ha ka syrnot ba la pyndon kam ia ka pisa katno ki ioh dei na kane ka daw ba ki satip bad ki nonghikai LP Skul ki ioh T.12000/- ki nonghikai ha ki UP skul ki ioh T.16000/- bad kiba hikai ha ki SSLC ki ioh T.20,000/- bad kiba hikai HSSLC ki ioh T.24,000/- tyngka. Kane ka pisa ka wan na ka sorkar.
Ia kane ka tulop la buh da ka sorkar jylla bad ka jingsiew ka long ha baroh kawei ka jylla, ki dei tang ki nongtrei kim dei ki nongaikam ha kane ka jingleit ia kynduh la synran lang ruh ia ka seng FASTOM da ki seng bhalang.
Haba la kylli hato kila pan jingbit ne em na ki MC ba wan sha ka jingiakhih shong kyllain mungor u bah Mayborn Lyngdoh u khlem jubab hynrei u la ong ka shong hapdeng jong ki bad ka MC ki don ki bynta ba ym dei ban iathuh paidbah ia kata ka jingbuit kylli na ki MC.
