Shillong, Nailur 27: Mynta ka sngi ka jylla kala rakhe ia ka “World Tourism Day” ha kaba u myntri rangbah ka jylla u long u kongsan ha kane ka sngi. Ha ka jingkren jong u myntri rangbah u la ong ba ia kane ka sngi la rakhe ha baroh kawei ka sla pyrthei bad ha ka juh ka por ka long ban kynmaw ia ka jingdon ki jaka jngohkai kiba ka jylla ka lah ban khring ia kiwei.
Kane ka jingrakhe ia kane ka sngi ka long kaba biang eh na ka bynta ka jylla Meghalaya namar ka jylla ka don ia ki jaka jngohkai kiba lah ban khring ia ki briew na kylleng ka pyrthei. Kumba ka long ka kam jngohkai pyrthei ka long ka bynta kaba kongsan namar ka kyntiew ia ka ioh ka kot jong ki paidbah.
Ban kyntiew ia ka kam jngohkai pyrthei ka sorkar jylla kala pyntrei kam ia shibun bah ki skhim. Na ka liang jong u myntri rangbah u la ong ba ka don kam mynta ia ka jingiashnoh kti lang na ka liang jong ki paidbah ruh kum juh ban kyntiew ia kane ka kam shangkai pyrthei ha ka jylla baroh kawei.
U myntri rangbah u la ong ba ki riti ki dustur kaba kum ki jaid bynriew kiba ka jylla ka don kala long lypa ka pdeng ban kyntiew ia ki kam shongkai pyrthei ha kane ka jylla, kaba don mynta ka long ba ki briew ki hap ban pynrung ia ka mynsiem trei shitom bad ban leh ia kano kano ka kam katkum kane ka juk kaba mynta.
Ha kane ka sngi la pynlait paidbah ruh ia ka kot ha kaba ia dei bad ki kam jngohkai pyrthei ha ka jingiadon lang u Chief Secretary ka jylla u Y Tsering, u Parliamentary Secretary u Bah Kennedy Khyriem,ka Direictor ka tnand jngohkai pyrthei.
