Ka kam kaba ha khmat eh ka jong nga mynta na ka bynta ka Selsella dei ki surok: Ferline

Shillong, Jymmang 29: Ka MLA jong ka 48-Selsella Konstitwensi, ka Ferline C.A Sangma ha dien ba kala dep ban shim smai kum ka MLA, mynta ka sngi kala ong ba ka kam kaba khmat eh ia ka mynta ka long ban phai khmat sha ki surok hapoh jong ka Konstitwensi ha kine ki saw snem ban dang wan.

Haba kren ha ki lad pathai khubor ha dien ba u shongknor jong ka iing dorbar u Dr Donkupar Roy u la dep ban pynbam smai ia ka kum ka MLA bapura ha ophis trei kam jong u, kala ong ba nalor ki jingeh kiba bun hapoh jong ka Konstitwensi kaba ha khmat eh ia ka mynta ka long ki surok.

Ha kane ka sngi kiba la ia don lang ban ia sakhi ia kane ka jingpynbam smai ia ka kum ka MLA la don lang u Deputy Speaker u Timothy D Shira, u MLA jong ka Nongstoin u bah Maxmilan Byrsad bad kiwei ki MLA jong ka party NPP, ha kaba u speaker barim jong ka iing dorbar u Martin M Danggo u la ia don lang.

Nalor ki MLA, la don lang ruh ki nongkyrshan jong ka party NPP kiba dei na ka konstitwensi ban ia sakhi lang ia kane ka sngi.

What Next?

Recent Articles

Leave a Reply

Submit Comment

*