Ka KHADC bad ka Hima mylliem kin pynkhuid ia ka Iewduh ha ka sngi pynneh mariang

Shillong, Jymmang 31: U Chief Executive Member jong ka KHADC u Bah Teinwell Dkhar mynta ka sngi u la pynbna ba kan don ka jingpynkhuid ia ka Iewduh ha ka 05th  Jylliew 2019 ha ka jingiatreilang ka KHADC bad ka Hima Mylluem. Ha katei ka sngi ka iew kan khang haduh ban da dep ban pynkhuid.

Haba kren ha ki lad pathai khubor mynta ka sngi, la iathuh ba katkum ka jingbethah jong ka National Green Tribunal ba ki District Council ruh ki don bynta lang ha kaba pyntrei kam kumno ban pynkhuid ia ki jaboh jabain na ki shnong ki thaw ryngkat ki dorbar shnong.

La iahtuh ba na ka liang jong ka tnad DC(A) jong ka sorkar jylla kala thoh sha ki District Council ba kin don ia ka “ Solid Waste Mangement” hapoh jong ki District Council, na ka liang jong ka KHADC kala thaw ia kane ka committee ia kaba la khlieh da u CFO jong ka KHADC u Bah R Kylla bad 13 ngut ki dkhot jong ka Kommittee.

Kane ka long ka phang kaba dang thymmai hapoh jong ka KHADC bad kane kan long ka sien kaba nyngkong na ka KHADC ba kan pyntrei kam da ka jingiatreilang bad ka Hima Mylliem. Na ka liang jong ka KHADC kan dang hap ban shna ia ki kyndon kumno ban pyntrei kam ia kane.

Shuwa ban leh ia kane, la iathiuh ba kala don ka jingiakynduh na ka liang jong ki District Council bad ka sorkar jylla ban ia mir jingmut ha kane ka kam bad ha dien ka jingiamir jingmut la thaw ia ka “Solid Waste management “ hapoh jong ka KHADC bad u Bah W Kharkrang na ka Meghalaya Pollution Control Board u long u nongai buid ia ka KHADC.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet