Shillong, Risaw 15: Ka Coordination Committee on International Border (CCIB) mynta ka sngi kala leit ban ia kynduh ia u CEM jong ka KHADC u bah HS Shylla ban ia kren bad ha kaba ia dei bad ka jingker ksianar shiah ha khappud bad ka Bangladesh na Nongjri sha Umsyiem.
Ha kane ka jingiakynduh na ka liang jong ka CCIB kala kala kyntu ia u CEM jong ka KHADC ba ymd ei ban ai ia ka NOC ban ker ksainar shiah katba ym pat lah ban pynbeit ia u pud u sam bad ka Bangladesh ha katei ka thian.
U Bah Kmen Myrshiang General Secretary jong ka CCIB u la ong ba na ka liang jong u CEM ka KHADC u la kren shai ba um pat lah ban kular ei ei un dang hap ban peit bniah ia ki jingthoh jingtar ha kaba ia dei bad kane ka kam, hynrei ka jingkular kaba la ai ka long ba un don na ka bynta ki paidbah.
Ha ka juh ka por na ka liang jong u Bah Myrshiang u la pynpaw ia ka jingsngew lyngoh ba kumno ka ophis jong u Deputy Commissioner kala da siew sop sop ia ka bai khyndew haba ia ka NOC na ka District Council kim pat ioh.
La iathuh ba na ka liang jong ka JHADC ha ki jaka kiba hap hapoh jong kane ka District Council wat la kala dep ban ai ia ka NOC, hynrei ha dien ka jingpyrshah jong ki paidbah ka JHADC kala weng noh ia ka NOC.
Ha kane ka jingleit ia kynduh ia u CEM jong ka KHADC ki seng kiba la ia don lang ki long, ka KSU kaba la mih khmat da u president u Bah Lambokstarwell Marngar, ka HNYF, ka FKJGP ba dki rangbah katei ka thain kila ia don lang ha kane ka sngi.
