Ka KHADC dei ban “Appeal” sha Hight Court hapoh 20 sngi pyrshah ia ka PIL u Bah Tirot

Shillong, Naiwieng 07: Ka Synjuk Ki Nongsynshar Shnong ka Bri U Hynniewtrep (SNSBH) ha ka dorkhas kaba la phah sha u Chief Executive Member (CEM) jong ka Khasi Hills Autonomous District Council (KHADC) mynta ka sngi kala kyntu ia u CEM ba u dei ban appeal hapoh ka 20 sngi naduh ba kila ai ia kane ka jingthoh, ha kaba ia dei bad ka rai jong ka iing bishar ba don burom ka Meghalaya High Court ha kaba ia dei bad ka PIL No. 9 of 2015 kaba la mudui da u Bah  Tirot Singh Syiemlieh.

Ha ka dorkhas kaba la phah sha u CEM jong ka KHADC na ka liang jong ka SNSBH kaba kyntup ia ki khlieh nongsynshar shnong jong ka Ri Khasi Jaintia kila ia kren ia kane ka kam ha kaba ia dei bad ka rai jong ka iing bishar ba don burom kaba la pynmih ha ka 16.02.2017  halor ka PIL PIL No. 9 jong ka 2015 kaba la mudui da u Bah Tirot Singh Syiemlieh ha kaba ia dei bad ka jingpyntrei kam ia ka MUDA Building Bye-Laws sha bar jong ki jaka jong ka Shillong Municipal.

Haba ia dei bad kane ka PIL, ka SNSBH ka ong ba katkum ka rai jong ka iing bishar jong ka Meghalaya  High Court wat la ka shah ban pyntrei kam ia ka ain shna iing sha bar jong ki jaka jong ka  Shillong Municipal, hynrei, ka ong ba haba ia dei bad ka jingiakam pud hap ban da bishar da ki bor ba dei kynthup ia ka iing bishar bad kata ka long lada ka appeal da ka  Khasi Hills Autonomous District Council.

Naduh ba ka iing bishar ba don burom kala pynmih ia katei ka hukum ka la iaid mynta la hynriew bnai ha kaba ia dei bad ka tei ka PIL, hynrei na ka liang jong ka KHADC kala shong bad sngap jar jar haduh mynta. Haba ia dei bad kane na ka liang jong ka SNSBH ka shim ba ka KHADC kam shym la shim khia ia kane ka kam bad kim tip ia ka jingeh jong ki paidbah na kane ka jingpyntrei kam beain ia ka MUDA Building Bye-Laws sha bar jong ki jaka jong ka Shillong Municipal.

Halor kitei kiba la kdew ha neng na ka liang jong ka SNSBH ka dawa na ka KHADC ba ka dei ban appeal sha ka iing bishar ba don burom ia katei ka rai hapoh ka 20 sngi naduh ba ka seng kala dep ban ai ia kane ka dorkhas na ka bynta ka jingbit jingbiang jong ki briew kuma la pynkupbor hapoh jong ka Sixth Schedule hapoh ka Riti synshar jong ka Ri India, la ong u Bah R L Blah Secretary ka SNSBH ha ka jingpynlait khubor mynta ka sngi.

 

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet